Ka Sorkar Jylla hynne ka sngi ka la rakhe burom ia ka lyngkhuh sngi kha jong u Mahatma Gandhi, da kaba leit buh syntiew ha u motdur ba jong u Mahatma Gandhi ha Main Secretariat, Rilang Building.
U Principal Secretary ka tnad Arts and Culture bad Home (Police) u Bah F.R. Kharkongor, u Commissioner and Secretary u Vijay Kumar Mantri, u Director jong ka Meghalaya Administrative Training Institute (MATI) u Swapnil Tembe bad kiwei kiwei ki heh ophisar bad nongtrei jong ka Meghalaya Secretariat, ki la iadonlang ha kane ka sngi kynmaw burom ia u Kpa ka Ri.
Kane ka snghi ka dei ka jingrakhe ban kynmaw burom ia ka lyngkhuh sngikha jong u Mahatma Gandhi bad ban pynkynmaw ia ka nongrim jong une u nongialam ba radbah ka ri uba la iaid ha ka lynti jong ka hok, jingsuk bad ka jingbym iaumsnam, kaba long kaei kaei kaba iai ai mynsiem ia ki pateng ban dang wan.
Kane ka sngi kadei ruh ka kabu ia ki heh ophisar bad ia ki nongtrei ba kin iengskhem halor kitei ki nongrim kiba kordor kumba la ialam da u Mahatma Gandhi bad ka jinglong kaba iahap bha ha ka kam ban shakri ia ki paitbah.
You may also like
-
Mynjur ka sorkar ban thaw ia ka Sixth Meghalaya Pay Commission
-
Kurup ki pulit shibun ki kuli MMG na khlaw ha Williamnagar
-
10 lak iarap u Dy.CM Sñiawbhalang Dhar shaka KJP Assembly naka bynta ka Gospel Concert
-
Bat ka KSU 4 ngut ki khar Bangla, suba ba siew T.45 hajar marwei ban rungtuh na Meghalaya
-
Kynduh ki nongialam KSU ia ki nonghikai KJDSTA ban ai jingkyrshan ia ki jingiakhih
