U Myntri kam Pohiing ka Ri u Amit Shah un wan sha Nongbah Shillong ha ka 4-5 tarik Risaw ban shim bynta ha ka prokram Meghalaya Police bad ban iakynduh ia ki 8 ngut ki MLA ka UDP ba la pyniasoh dang shen sha ka BJP.
Katkum ki khubor kiba la ioh lum la iathuh, ba u Amit Shah un wan poi ha ka 4 tarik bad ha ka sngi kaba bud kata ha ka 5 tarik ha ka por mynstep un leit ban iashim bynta ha ka President of India’s Police Colour ban pynkup burom ia ki pulit ka jylla Meghalaya ha ka jingialang ka ban pynlong ha JN Stadium, Shillong.
Ha kane ka jingialang un donlang u Myntri Rangbah ka Jylla u Conrad K Sangma, u Symbud Myntri Rangbah ka Jylla uba khmih ia ka Kam Pohiing u Bah Prestone Tynsong bad kiwei ki heh ka Sorkar Jylla bad Sorkar Pdeng.
Ha katei ka jingialang, u Amit Shah yn buh ruh ia u mawnongrim ban tei ia ka New Shillong Shooting Arena.
Nalor kane la ioh jingtip ruh, ba ha katei ka sngi, u Amit Shah u lah ruh ban leit iakynduh ia ki 8 ngut ki MLA kiba dang shu pyniasoh dang shen sha ka seng BJP.
You may also like
-
Ym don ba lah ban pynkhuid marwei ia ka shnong bad ka Jylla: Sniawbhalang
-
Pynlong Ka Shnong Saiden Ïaka Jingpynkhuid Shnong, Shim Khia U MLA Ban Pynurlong Ïaki Jingangnud Ka Shnong
-
Pynkup burom ia saw ngut ki tymmen ha ka sngi rakhe ki riew tymmen
-
Iatehlok ka Vi Business bad ka Cisco ban pynkhlain ia ka jingtyrwa ia ka SD-WAN
-
Ki Facilitation Centre ki dei ban don Food Court”