U Nongialam ka BJP bad u MLA ka Pynthorumkhrah constituency u Bah AL Hek ula ong, ka rai ban iakhun ilekshon shiteng samoi na Shillong Parliamentary seat ka shong ha ki Nongialam na Delhi bad ka State Unit kan hap ban sngap katkum ka jingbthah heh na Delhi.“Kin sa pyntip ia ngi halor ka ilekshon shiteng samoi” ong u Bah Hek ha ki nongthoh khubor halor ka jingkylli la ka BJP Meghalaya kan iakhun ne em ia ka ilekshon MP shiteng samoi, ula bynrap ki jingiakren hapoh ka party ki la iaid shakhmat.
“Ngi la iakren la ngin sei kyrtong ne em na bynta ka ilekshon MP shiteng samoi na Shillong. Ngi don bun ki kyrtong hynrei ngim pat shim rai la ngin iakhun ne em” ula ong bad pyntip ba u President ka BJP Meghalaya un sa khot jingialang shen.Halor ka jingkylli la ka BJP kan kyrshan biang ia ka NPP, u Bah Hek ula kyntait ban kyrshan ia kiwei ki party bad ula ong, “Lada ngi dei ban iakhun ngi don u kyrtong, ngin ym kyrshan ia kiwei party.
“Ngin ap ia ka jingbthah ki heh na Delhi, wat la ka BJP Meghalaya ka kwah ban mih iakhun ha kane ka ilekshon” ula bynrap.
You may also like
-
Pynïoh jaka, ngan mang pisa ban shna noh ïa ka surok, kular u Bah Prestone ïa ka Shnong Amkoi
-
Shah dain kuna ki arshaka ba ïaid na surok ‘NO ENTRY’
-
Lum jingïalang bishar kam u Myntri Sorkar Pdeng, kular ïatreilang bad Sorkar Jylla
-
Da u Dr Batskhem phah ka Election Committee ka VPP ban ïakhun ilekshon MP
-
Ka Meghalaya ka pynmih shynrai palat 7 hajar metrics tone