Ha ki ‘Village Court’ ka Council, u Sirdar, Syiem Raid ki lah ban long Chairman

Ka EM kaba khmih ia ka tnad Law ka kong Deity Majaw hynne ka sngi ka la pyntip ba don 6 tylli ki Village court kiba treikam hapoh ka Khasi Hills Autonomous District Council (KHADC).

Ia kane ka EM ka la pyntip ha iing Dorbar ka Council ha ka kynta kylli jingkylli ba la wanrah da ka MDC ka Nongpoh ka kong Rona Khymdeit.

Ka la pyntip ba ki 6 tylli ki Village Court kiba treikam mynta kadei ka Nongjri Village Court,Nongjri Sardarship, ka Tyrna Village Court, ka Tyrna Sirdarship, Village Court Wahlong Sirdarship , Village Court Raid Nongskeh Sohiong Lyngdohship, Tynrong Village Court bad ka Mawhoh Village Court kaba hap ha ka Hima Mylliem.

Ka EM ka la iathuh ruh ba kine ki Village Court kidei ban wan pynthymmai man ka 5 snem.

“Ha ka Village Court dei ban don 6 ngut ki dkhot ha kaba u Chairman un dei u khlieh ka Village Court kaba lah ban long u Sirdar, Lyngdoh, Syiem Raid, Lyngdoh lyngskhor,” la ong ka kong Deity.

Halor ka jubab jong ka EM, na ka liang u MDC ka Sohra u bah Titos Chyne ula pynpaw ia ka jingsngewlyngoh namar ba ka EM kam shym la batai ia ka Shella Village Court kaba dei kawei kaba treikam bha.

Ka EM ka la pynshai lehse kim shym la pynthymmai ialade bad ka la iathuh ba haduh ki don bun ki Village Court kiba la mynjur da ka EC naduh u snem 1950 hynrei ki dang bun ba sahteng ban wan shakhmat ban pynthymmai.

“ Haduh mynta tang kitei ki 6 tylli ki VC kiba wan shakhmat ban pynthymmai bad haduh mynta ki don bun bah ki shnong hapoh ki Hima, ki bym shym la wan ban pynthymmai ia ka Committee jong ki,” ong ka kong Deity.

Ka la iathuh ba ka EC naduh u snem 2022 ka la phah ia ki jingpynbna ia ki Village Court ba kidei ban wan pynthymmai bad na ka liang kane ka EC kaba mynta dang ap ia kiKatkum ka jingiathuh ka EM, ki kam jong kine ki Village Court ka long ba haba don kino kino ki jingiakajia kam jaka puta, kan hap ha kine ki VC bad kine kim lah ban pynshitom ia tang ia ki kam runar barit baria kum ka kam tuh kam thiem, ka jingiabuaid ha shnong bad ka kuna ki lah ban dain ka long tang T.150.