Kum shi bynta ban dawa na ka sorkar Meghalaya ban kyntiew kyrdan noh ia ka ktien Khasi kum ka Ktien sorkar ( Official language) hapoh ka jylla Meghalaya, Ka Khasi Author Society (KAS) shnat Nongstoin ryngkat ka sengkmie ka la rai ban khot pynlong da ka jingialang pynshai paidbah ha Nongstoin ha ka 8 tarik u Ïaiong 2026 ha Nongstoin Market Complex ha ka por 1 baje nohphai sngi.
U Bah BBL Nonglait, Secretary ka KAS, Shnat Nongstoin u la ong ba naduh 2005, ka ktien khasi ka la dei ka Associate Official language bad mynta ka seng ka kwah ba ka sorkar kan pynlong noh syndon ia ka kum ka ktien sorkar ne official language khnang ba baroh ki khasi Jaintia kin lah ban pyndonkam ia ka ha ki kam bapher bapher jong ka sorkar.
“Kane ka dei ka dawbah jong ka jaitbynriew jongngi bad haba im ka ktien, im ka jaitbynriew bad haba iap ka ktien, ka jaitbynriew ruh kan iap” ong u Babu Witting Mawsor uba la khot iawer ia baroh ki sengbhalang, ki nongsynshar shnong, ki longkmie longkpa bad ki samla kynthei bad shynrang, ki nonghikai bad khynnah skul ba kin iasnohktilang ban wan sha katei ka jingialang khnang ba kan long kaba jop.
Ha katei ka sngi la kren maitphang ruh ia ka thong jong ka KAS bad ia ka jingthmu jongka lyngba u Babu Nerius Syiemlieh.
You may also like
-
Lada nga jop kum u MP, ngan khyrwait shabi ban pynkut phet seng ki MLA, ong u bah Vivanstone
-
Sdang ka jingkem ksew surok ha Jowai ban ai Injection Rabies
-
Shah beh u Bah Hoping na ka APHLC ba kyntait ia ka Autonomous State
-
Kim neh slem ki Seng Riewlum, ki bun tang ki kular kim lah ban pynurlong: Pala
-
Ngam sngewpher lada shah pynhiar shuki, ka kam MLA ban shakhri paidbah: Methodius Dkhar