Ki bor pulit ka Ri Bhoi District da ka jingtreishitom ban rad dyngkhong ia ka kynhun ki snar nongtuh thukthuk, la pyntip ba ki la ioh ban kem ia ki lai ngut ki suba nongtuh thukthuk na ki bynta ka District. Ha ka jingbuddien kaba nyngkong halor ka jingjia shah tuh thukthuk, ki pulit ki la ioh kem shwa ia ar ngut ki snar nongtuh thukthuk ba kynthup ia u Arjun Pohktai ba khot sin Fedrik (25) na ka shnong Iarbamon, Pynursla bad u Stevenson Bareh (25) na Amdoh village, Dawki, kiba la kynnoh donkti ha ka mukotduma katkum ka Umiam PS case no 16(2) 2025 u/s 303(2) BNS bad ka jingtohkit ka la nang iaid.
La pyntip ruh, ba ki pulit ki la ioh kem sa ia u wei pat u ba la kynnoh donkti ha ka kam tuh thukthuk ba la tip kyrteng kum Wanshemlang Lyngdoh na ka shnong Mawkynthei, Sohiong halor ka mukotduma ba la ujor ha Khanapara PS C/no. 08(03)2025 u/s 303(3)/61(2)/317(3) BNS bad ka jingtohkit kan nang iaid.
Na ka liang ki bor pulit ka ri Bhoi District, kin nang iai bteng ia ka jingiakhun ban rad dyngkhong ia ki kam sniew bad ki kam beaiñ hapoh ka district hi baroh kawei, ong ka tyllong khubor na ki heh pulit ka Ri Bhoi.
You may also like
-
Ki samla ki lawei ka thain ki dei ban iatreilang ban kyntiew ia ka imlang sahlang: Lahkmen
-
Khuslai ki paidbah ha thaiñ Nongpoh ba duna pynpoi ‘Gas’ ki Agency
-
Ka Meghalaya kam duna Umphianng Petrol, Diesel, ong u Myntri sorkar Methodius
-
Ka KHADC bad JHADC ki dei ban pynkylla ia ka AD Rule: TW Chyne
-
Bun ki kren bein ia ka jaidbynriew Khasi hynrei ki pulit kim leh eiei