Ïa pynibor kiba pyrshah tei ïingskul bad ki Pulit, mynsaw 12, kynthup ka longkmie armet

Kumba 12 ngut ki briew kiba la mynsaw kynthup ia kawei ka longkmie ba armet bad arngut ki pulit kynthei ha ka jingiapyni bor markylliang hapdeng ki nong shong shnong bad ki pulit. Kane kala jia ha Madan Umjar hapoh ka shnong Mawkynrew hadien ba ki paidbah kila ïa mih ban iakhih halor ka jingtei iaka Ramakrishna School Mission ha Madan Umjar Mawkynrew.Haka jingia pyni bor markylliang, ki Pulit kila kawang daki bom pynsat khmat bad bom lathi ban pynpra ia u paidbah kiba thmu ban tur shaka Ramakrishna School Mission. Naduh dangstep, ki nongshong shnong ka shnong ka thain Mawkynrew bad Mawlein ha ryngkat bad ki mohkhiew, lyngka kila iatur sha Madan Umjar ban pynieng Goal Post ha kane ka madan football ba kynnoh shah kyntur pud ban pyntrei iaka Ramakrishna School Mission.

Ha shwa ka jingshah kawang bom lyer pynsat khmat bad shah bom lathi, kine ki nongshong shnong ki la rah ia ki dieng kol ryngkat ki mohkhiew, ki lyngka lem ki placard ban pyrshah ia ka jingïoh jaka ka Ram Krisna Mission ban tei skul bad wan ïaid sha katei ka madan. Naka Liang u Sordar barim ka Mawleiñ u Bah P Wankhar u la ong ”Ha u snem 2013  ki ar Dorbar Shnong jong ka Mawkynrew bad Mawleiñ ki la dep ban iati ia kane ka jaka sha ka Mawkynrew Sport Club hynrei na ka liang u Acting Sordar bad ki briew Jong u ki la ia kane ka jaka sha ka Ram krishna Mission khlem ka jingtip ki nongshong shnong” la kynnoh u Bah Wankhar.U Bah Wankar u la kam ba ka jingtur ki paidbah ka long da ka jingjaijai ban pyrshah halor ka jingai jaka sop sop u Acting Sordar ym ban thaw kano kano ka jingkulmar.

“Kane ka dei ka jaka jong ki Dorbar Shnong jong 2 tylli ki kata ka Mawkynrew bad Mawleiñ ka jingpyrshah kadei hi halor ka jingthmu u Acting Sordar ban pynduh ia ka rai Dorbar ha u snem 2013. Ngi kwah ba kan neh beit kumjuh khnang ba kan pynbha ban kyntiew ia ki khun samla ka dong ka thain” u la ong. Kumba long mynta ka jinglong jing man ka la jaijai bad ki nongshong shnong ki dawa ba u Bah G Dhar, BDO ka Mawkynrew C&RD Block ba u dei ban mihnoh na ka thain jong ki.