Iaid kjat ka YHAI na Lum Shillong sha Weisawdong lyngba ka lynti u David Scoot

Ka Youth Hostel of India (YHAI) Meghalaya State Branch ka la pynlong ia ka National Trekking 2025 naduh ka 29 tarik Risaw bad kan kut ha ka 13 Naiwieng na bynta saw kynhun ne batch ba kynthup ia 30 ngut kawei ka kynhun na kylleng ki jylla ka ri India kynthup na Kerala, Tamil Nadu, Maharashitra, Gujarat, West Bengal kiba la wan ban shim bynta. Ka YHAI Meghalaya ka ju pynlong ia kane ka prokram ban iaid kjat man u snam ban tip ia ki jingdon jingem ka mariang bad ka jingdon ki lum ki wah, ki kshaid bad ki krem ba itynnad ka la khring ia kiba bun briew na kylleng ki jylla ka ri ban wan iaid kjat ban lap da lade ka jinglong jingman ka mariang.

Ka jingiaid lynti mynta u snem kan long na sha Shillong peak, Elephan Fall, nangta na Mawphlang yn iaid kjat lyngba ka surok u sahep David Scott sha Laitryngew, nangta ki leit jngoh ia ka kshaid, Nohkali, Weisawdong, Lyngksiar, Prut, ki jingkiengjri ha Nongriat nangta ki Krem Pubon, Krem Puri bad kiwei kiwei. Kane ka jingiaid kjat ka long san lynter bad ka kynhun kan iaid kawei hadien kawei bad kin sah shi miet ha YHAI, Shillong, shimiet ha Laitryngkew bad ar miet ha Sohra ha ki jaka ba la pynbeit da ka YHAI Meghalaya Branch. Shwa ban iaid la ioh ban kaweh lama da ki nongialam ka YHAI, Meghalaya State Branch.

Ha ka jingkren u Chairman ka YHAI, bah ED Nongsiang ula iathuh ia ki nongshim bynta ia ki jaka bad ki lynti ba ki dei ban iaid kynthup ki riat bah bad ula kyntu ba kim dei ban pynjaboh ia ka mariang ha ka jingiaid lynti bad ki dei ban bret ia ki jaboh ha ki jaka ba la buh.  Ia ki kynhun yn ialam lynti da ki dkhot ka YHAI bad na ki shnong ban lait na kino ki jingma ne ki jingjia ba sngewsih.