Ki paidbah na ka thaiñ Kynshi bad na ki shnong ba marjan ki la wan sha ka jingïalang ban pyrshah ïa ka jingthmu ka sorkar ban pynkynriah ïa u doctor Dr Khongwir na kynshi PHC sha Shillong bad ki la leit ai khublei ïa u Doctor Khongwir bad ki la ïam hakhmat jong u da kaba pynpaw ba ki tohmet lada un leit trei noh shawei bad lada ka sorkar kam sngap ïa ka jingkyrpad ki paidbah ban pyneh biang ïa u ha Kynshi PHC.
U Doctor Khongwir u la wan trei ha Kynshi PHC naduh u snem 2012 bad u la don ha kane ka hospital mynta la kumba 14 snem. Haba kren sha ki paidbah haka jingïalang ula ïathuh ba u sngewsih haba u ïoh ïaka jingtip ba u dei ban leit transfer noh sha Shillong bad ula ong ba um kwah ban leit trei noh shawei hynrei u kwah ba un dang ïai neh ha Kynshi PHC.
Ha ka jingïalang bala pynlong ha phyllaw ka Kynshi PHC nalor u doctor Khongwir la ïoh ruh ïaka jingkren na u sordar ka kynshi pyllun u bah Aibanrikupar Syiemlieh, u MDC ka Pariong Mawthadraishan u bah Powell Sohkhlet bad kiwei kiwei ki riewrangbah ka thian Kynshi. Ha kane ka jingïalang ki nongïalam shnong ha ryngkat ki paidbah kila shim ruh ïaka rai ban phah daka jingthoh sha u myntri ka tnat ka koit ka khiah u bah Wailadmiki Shylla ban kyrpad ban pynneh biang ïa u doctor Khongwir ha Kynshi PHC bad kala don ruh ka jingïasoi paidbah ban pynpaw ïaka jingpyrshah ban pynkynriah ïa u doctor Khongwir na kynshi PHC.
You may also like
-
Pynshlur u Lamphang ia ki samla ban shakri ban pynkylla ia ka lawei
-
U dewiong um neh junom, donkam kiwei ki lad kamai, ong ka Santa Mary
-
Ka sorkar kan khang noh ban wanrah sniang na shabar jylla ‘Shah ktah ki nongrep na ka African Swine Flu’
-
Ki kam pynroi kim dei ban kut tang ha ki project, ka sorkar kan iai trei ban kyntiew ia ki paidbah, ong u Conrad
-
Ka Bill jong ka KHADC ka pynkheiñ ia ka riti synshar ka Ri, ong u Bah Sanbor