U MP ka VPP na Shillong Parliamentary Seat u Dr Ricky AJ Synkon u pynpaw ka jingsngewkhia halor ka jingsahdien jong ka Jylla Meghalaya haba iadei bad ka Kad Liengsuin daka ba kynnoh ba ka la shu sah kumjuh watla ka Meghalaya kala tam iaka palat 50 snem.
U Dr Ricky u la kynnoh ba ka jingpynheh bad pynbha iaka Kad Liengsuin (Shillong Airport) kala shu kut tang ha ka jingkular bad ka jingïakren khlem kano kano ka jingseisoh.
Haba kren bad ki lad pathai khubor u Dr Ricky u la kdew ba dang shen u la leit sha Agartala bad Mizoram bad u la sakhi iaka jingheh bad ka jingtreikam bha ki Kad Liengsuin ha kitei ki Jylla bad ki Kad Liengsuin ruh kidei katkum ka juk International Airport.
U Dr Ricky u la ong ba ka long kaba sngewsih ban iohi ia ka jingsahdien ka Jylla Meghalaya haba iadei bad ka jingdon ki Kad Liengsuin lada ia nujor bad kiwei pat ki Jylla hapoh ka thain Shathie Lammihngi.
“Ngam lah ban sngewthuh balei ka Meghalaya ka dang sahdien haduh katne” u la ong.
U MP u la kyntu jur ba ka Sorkar Jylla ka don ka bynta kaba khraw ban pynthikna ba kane ka jingeh kan kut noh daka ba ong ba ka Meghalaya ka kiew bha ha ka kam jngohkai pyrthei namar kata ka donkam iaka Jylla ban don ka Kad Liengsuin kaba kott haka kyrdan International Airport.
You may also like
-
Khlad hashen u nongniah na ka jingtakhuh ki trok
-
Ka Meghalayan Age Pavilion ka rynsan pynisap ki trai jylla ba pyniasoh ka jingbei tyngka bad ki kam shangkai
-
Kynduh ka KSU ia u DC ban pynkynmaw ki jingdawa halor ka bording ilektrik
-
Shah khang khyrdep bun ki dukan bar jylla ha ka jingjurip kyndit ka JNC ha Khliehriat
-
Buh Mawnongrim u Myntri Rangbah ia ka Mini Secretariat ba T.17.76 klur ha Patharkhmah