U Symbud Myntri Rangbah ka Jylla u Bah Prestone Tynsong ula leit iakynduh ia ki heh Sorkar Pdeng ban iakren halor ban pyniaid shakhmat ia ki projek ha Meghalaya.
U Bah Prestone ryngkat lang bad ki Engineer ka PWD ki la leit iakynduh ha ka sngi Nyngkong ia u Managing Director (MD) jong ka National Highways & Infrastructure Development Corporation Ltd. (NHIDCL) u Dr. Krishan Kumar bad ki la iakren ia ka jingdonkam ban shna ia ka Fly Over haduh Barik Point ban pynsuk ia ka leit ka wan jong ki paidbah.
Nalor kane, ki la iakren ruh halor ka High Speed Corridor na Umiam sha Malidor, ka Shillong-Dawki Road bad halor ka surok na Phulbari shaduh Agia.
U Symbud Myntri Rangbah ula lah leit iakynduh ruh ia u Director General ka tnad Defence ban iakren ia ka jingdonkam ban aiti noh ia ki katto katne ki jaka ka tnad Defence ha Sor Shillong sha ka Sorkar Jylla.
Ula leit iakynduh ia u Director General ka MORTH ban iakren bniah halor ki projek ban pynkylla noh ia baroh ki “Temporary Bridge” sha ki “Permanent CC Bridge” ha ka Jylla Meghalaya.
Nalor kane ki la iakren ia ka jingdonkam ban shna pynbha noh ia ka Shillong –Nongstoin-Tura Road bad ia ka surok na Phulbari-Rajabala-Mahendraganj shaduh ka Mancacha.
U Bah Prestone ula pynpaw ia ka jingkyrmen ba ynda lah shna pyndep ia kine ki projek baroh, kan long ka jingmyntoi ia ki paidbah bad tang shu ioh ia ki jaka na ka tnad Defence, yn ioh ban leh ia kiba bun ki projek kiba kongsan ki ban kyntiew ia ka bha ka miat jong ki paid nongshong shnong ka jylla.
You may also like
-
Ka kynhun tohkit kam pat lap ba don ka jingleh politik halor ka jingiakynnad ha Garo Hills
-
Ka jingiakynad ha Garo Hills ka mih namar bym lah ban pynbeit ia ka jingdawa ban khanglad ia ki bar jylla ban iashim bynta ha ka ilekshon GHADC
-
Ka Iew ki Nongrep kan khring ia ki nongthied bad ki nongshang pyrthei
-
Kiba tih khyndew ki dei ban don ka jaka bret, mana ka DC ban bret khyndew pathar
-
Iakynduh u Bah John ia u Myntri sorkar pdeng ban kyntiew ia ki kam ialehkai ha