Ki pulit hynne ka sngi ki la ioh sei sa 7 tylli ki metiap jong ki nongbylla bad baroh kiba la khlad ki la kiew sha ka 27 ngut na ka jingbthei u bomb ‘Dynamite’ ha ka par tih dewiong be-aiñ kaba don ha East Jaintia Hills.Hynnin ka sngi la ioh sei 18 tylli ki metiap bad hynne ka sngi Thohdieng pat ki pulit ryngkat bad ki kynhun jong ka NDRF, SDRF bad SRT ki la lap sa 7 tylli ki metiap na ka par tih dewiong be-aiñ ha Mynsngat, Thangsko, East Jaintia Hills.
Kumta haduh mynta baroh kiba la khlad noh na katei ka jingbthei bomb ki la don 25 ngut bad ka jingwad ka dang iaid shakhmat ioh ki dang don shuh shuh.
Ka Director General of Police (DGP) ka Kong I Nongrang kala pyntip ba na ki 25 ngut kiba la khlad, ki pulit kila lah ban ithuh ia ki 12 ngut kiba la khlad noh bad ka jingwad ka dang iaid shakhmat bad ka NDRF, SDRF bad SRT, ki dang pyrshang katba lah ban lap ia kiwei pat ki lanot bad ban pyndep ia ka jingithuh kham kloi kat kaba lah ia kine kiba la iap noh. Nalor jong kine ki kynhun kiba wad, kial don ruh ka kynhun ki doktor bad ki kali kit nongpang ha katei ka jaka.
You may also like
-
Khlad hashen u nongniah na ka jingtakhuh ki trok
-
Ka Meghalayan Age Pavilion ka rynsan pynisap ki trai jylla ba pyniasoh ka jingbei tyngka bad ki kam shangkai
-
Kynduh ka KSU ia u DC ban pynkynmaw ki jingdawa halor ka bording ilektrik
-
Shah khang khyrdep bun ki dukan bar jylla ha ka jingjurip kyndit ka JNC ha Khliehriat
-
Buh Mawnongrim u Myntri Rangbah ia ka Mini Secretariat ba T.17.76 klur ha Patharkhmah