Ki nongialam ka BJP kynthup u Myntri ka sorkar jylla u bah Sanbor Shullai bad u State BJP President ka BJP Meghalaya, u Rikman G. Momin, ki la leit iakynduh ia u Myntri iada ri u Rajnath Singh na bynta ban phah tuklar ban pynbeit ban weng noh kloi ia ka jingeh ba la sahteng haba ia dei bad ka jingpynkynriah ia ki Dalit Sikh na Them Iew Mawlong sha ka jaka ha Cantonment. U bah Sanbor Shullai uba mihkhmah ia ka Shillong Cantonment Board area, ula kyntu ia u Myntri iada ri ban shimkhia ban pynbeit bad ban thawlad ban wanrah ia ki sienjam ban poi sha ka jingiasuk na bynta ka jingbit jingbiang jong baroh ki paidbah ka jylla.
Ha ka jingialang, ka kynhun BJP ka la kyntu ruh ia u Myntri iada ri ban pyntikna ban pynsted ban pyntreikam ia ka ain shna iing ka building bye-laws kaba la pas dang shen da ka Cantonment Board bad ban pynsted ban pynthymmai ia ka polisi hapoh ka Cantonment area. Nalor kane, ki nongialam ka BJP ki la pan ruh ia ka jingmynjur ban pynsted ban ai ka jaka shipai iada ri na bynta ban pyndep noh kloi ia ka projek jong ka Shillong flyover.
Halor kane, na ka liang u Myntri iada ri ula sngap bad ula pyntikna ba ia kine ki jingeh baroh yn sa bishar bniah bad un sa rah ia kine ki mat baroh bad ki bor ba halor. U bah Sanbor ula ong ba ka kynhun kan sa leit ban iakynduh biang ia u Myntri iada ri ban buddien ia kine ki jingeh bad ban pynsted ka jingpyntreikam.
You may also like
-
Ap ka Sorkar ïa ka kaiphod ki Consultant halor ka jingpynïaid ïa ki kali 108
-
Weng ki ASHA ïa ka jingïakhih hadien ba pynbeit ka sorkar ïa ki jingeh
-
Shah kem 4 ngut bad ïoh kurup Droks ba shongdor T.20 Lak
-
Rakhe ka jylla ban kynmaw burum ia ka sngi ki riew shlur
-
Iasoi ka MoU ka Meghalaya bad Nepal ban iatreilang ban kyntiew ia ka jingstad