U secretary ka Hynniewtrep Youth Council (HYC) u Bah Issak Basaiawmoit hynne ka step ula shah khot hajir ha ki pulit jong ka Sardar Police Station. Ka jingshah khot hajir u Bah Issak ka dei halor ka mukotduma ba khlad uwei u suba kyrni Drok namar ka jingkynnoh ba u shah thombor ha MUDA Khyndai Lad. Haba kren sha ki lad pathai khubor u Bah Issak ula iathuh ba watla ha ka ejahar ki nongmudui ki khlem pynmih ia ka kyrteng jong u hynrei na ka liang ki Pulit ki la ïathuh ba ka jingkhot hajir ka dei ba leh katkum ki kyndon ain ban tohkit.
U la iathuh katkum ka jingiathuh ki pulit u khynnah suba kyrni Drok u la shah shoh ha ka 23 tarik Naiwieng ha MUDA Khyndai Lad bad ula khlad ha ka 4 tarik Nohprah 2025 ha Nazareth Hospital Shillong. “Ka jingshah khot hajir ka dei hi namar ba khlad uwei suba kyrni Drok ba shah shoh ha MUDA Khyndai Lad. Katba ha ka ejahar ki nongmudui ki khlem kdew ia ka kyrteng jong nga ne jong ka HYC hynrei ka jingshah khot hajir ka lah ban dei ba don kiba bishni ia ka kam ba ngi trei bad ki kynnoh ba dei ma ngi ba don bynta ha ka jingkhlad uwei suba kyrni Drok” la ong u Bah Issack.
U Bah Issack ula ong, ba ka HYC kan ym kyrdan dien ha ka jingïakhun pyrshah Drok bad kan iai bteng ruh ban khynra Drok bad kem ia ki ba khaii Drok.
You may also like
-
Ka kam ba eh tasam ban kynriah ia ki nongdie madan, ong u Conrad
-
Pynkup burom Doctor ka MLCU ia 2 ngut, u Dr Sandi Syiem ka Lifetime Achievement Award
-
Rung BJP u Dr. Jemino ryngkat ki nongkyrshan, kam ban ialam ia ka sorkar ha u 2028
-
Hapoh u Naiwieng yn dep ka ïing dorbar thawaiñ : Lamphang
-
Markhmat ha u Amit Shah pynsngew u Bah Hek ba kwah rung BJP ki MLA UDP