Iasoi ka tnad Commerce bad ka NIT Shillong ban kyntiew kam shna tiar bad thain jain tynrai

Ka Directorate of Commerce and Industries ka jylla hynnin ka sngi ka la iasoi MoU bad ka National Institute of Technology (NIT) ka jylla Meghalaya. Kane ka jingiatreilang ka long ban seng ia ka Innovation and Research Centre ha Shillong ban pynkylla dur ia ka kam shna tiar bad thain jain ha Meghalaya.Ka jingthmu hapoh ka prokram Raising and Accelerating MSME Performance (RAMP) jong ka tnad MSME, ka sorkar India bad la kyrshan da ka World Bank, ka jingthmu ka long ban kyntiew ia ka jingaimut thymmai ban kyntiew ia ka jingpynmih ki mar bapher bapher, bad ban kyntiew ia ka jingpyniaid iew ia ki tiar shna kti bad ki jain tynrai. Kane ka jingtreilang ka pyni ia ka jingangnud ban pynkupbor ia ki nongtrei kti, ki nongthain jain, ki nongthain jain, bad ki nongshna dur, katba dang pynneh pynsah ia ka kolshor ba riewspah  ha ka jylla. Haba kren ha kane ka sngi, Director ka tnad Commerce bad Industries u bah Friday Sutnga, ula pynpaw ka jingshaniah ba kane ka projek kan iarap ban kyntiew ïa ka jingïoh rung sha ki ïew ki hat, bad ka jingpynmih ïa ki mar thymmai.

“Kane ka Centre kan plie lad ia ki jingwad bniah bad jingpynwandur ba kham shajrong, da kaba pyndonkam ia ka jingstad katkum ka juk lyngba ka NIT Meghalaya ban wanrah ia ki jingshna bad ki buit kiba lah ban neh bad iadei bad ka iew ka hat,” u la ong. Ki jingthmu ba kongsan jong ka Centre ki long ka jingwad bniah bad jingpynroi na ka bynta ki jingshna ia ki mar ba thymmai, ka jingai jinghikai na ka bynta ki nongtrei kti, ka jingshna dur bad pynrung ïa ki jingshna ia ki mar ba lah ban pynduh jait ïa ki jingthaw ba im kiba ïahap bad ki jinglong jong ki iew kiba dang mih, bad ban kyntiew ïa ka jingïoh lad ïa ki iew ki hat. Ki kam ka Centre kin iaid ha ki lai tylli ki bynta ba kongsan, ki nongshna dur banyngkong na ki jaka pule ba pawnam kin bishar bniah ia ki mar ba mynta bad ki jingkwah jong ki nongthied, kin pynkhreh ia ki jingshna ba thymmai ban pyniadei bad ki jinglong jong ka iew, da kaba pyndonkam ia ki mashin bad ki 3D printer ha ka Centre, ka NIT Meghalaya kan pynkylla ia kine ki jingshna sha ki prototype kiba bha ha ka kyrdan kaba ar bad ha ka ka kyrdan kaba lai, ki nongshna dur kin hikai ia ki nongshna jain kiba tbit ryngkat jingiatreilang bad ki nongsuh jain bad ki nongthain jain ban pynkylla ia ki prototype sha ki mar ba khatduh kiba la pynkhreh ban die ha iew.

Ia kane ka jingthmu jong ka RAMP, la kyrshan da ka Ministry of MSME bad ia iasoi ia ka MoU ban pynkylla dur thymmai ia ka kam thain jain ha Meghalaya ban pynkup bor ia ki nongshong shnong, bad pynneh ia ka jingshna jingshna tynrai ha ka jylla.