Iateh ka Toyota Kirloskar Motor bad ka Ohmium ban pynmih bording Hydrogen ha India

Haba pynskhem ïa ka jingkular jong ka halor ka Carbon Neutrality bad ka jingpynmih bor ding kaba khuid, ka Toyota Kirloskar Motor (TKM) mynta ka sngi ka la soi ia ka Memorandum of Understanding (MoU) ïakylliang ïa ka jingïateh kular (MoU) bad ka Ohmium International, ka kompeni na Bengaluru, ka nongpynbiang ïa ka PEM hydrogen technology kaba pawhmat ha ka ri, ban ïatreilang ban pynwandur ïa ki lad pynmih bording ba la pynshong nongrim ha ka Green Hydrogen.

Kane ka dei ka kam ba kongsan ka Toyota ha kaba ia dei bad ka fuel cell technology bad ban pynlong ia ka Green Hydrogen ka kynja umphniang ba khuid ha ki por ban wan. Kane ka pyni shai kdar ia ka jingpyrshang ka company khlem shongthait ban kyntiew ia ka ioh ka kot ka Hydrogen ha baroh ha ka jingpyndonkam ha ka leit ka wan.Kum shibynta jong kane ka jingthmu, ka TKM kan ai ka jingstad ha ka liang ka jingstad, ka jingkyrshan ha ka jingpyniasoh ia ka system, bad ka jingpynbiang ia ki module jong ka umphniang.

Ka Ohmium kan ialam ia ka jingshna, jingpynroi, bad jingbishar bniah ia ka jingtreikam jong ka rukom pynbeit ia ka microgrid bad kane ka jingpyrshang ba iatreilang ka wad ban pynmih ia ki lad pynmih bor ding kiba khuid kiba lah ban pyntreikam, kiba lah ban pynheh, da kaba iadei bha bad ka jinglong jingman jong ka bor ding kaba nang kiew ha ka ri India.