Ka Indus Towers ka wanrah ia ka jingpynbha ia ki Hygiene Infrastructure na ka bynta ki khynnah skul kynthei ha ki Skul Sorkar ha ka Jylla Meghalaya 

Ka Indus Towers, kawei na ki kompany kaba heh tam kaba iadei bad ka telecom infrastructure, hapoh ka jingtreikam ka jong ki ia Ka CSR initiative Pragati, ha kane ka sngi ka la plie pyrda ia ka jaka leit Shabar ia ki khynnah kynthei ha 11 tylli ki skul ha Ri-Bhoi district jong ka Jylla Meghalaya, bad kane kadei kawei na ki lad ban iarap ban kyntiew ia ka jingkhuid jingsuba ha ki skul.

La pynlong ia kane ka jingplie pyrda ha Ka Nehru Memorial HS School bad la wan ia shim bynta bad snoh kti lang da U Mr. Andrew L. Myrthong, BDO, Umsning C&RD Block and i/c Assistant Commissioner, Ri-bhoi. Bad la pyni (live) ruh ia kane ka lympung ha hynriew tylli ki skul kiba la lah ban ioh ia kine ki jingtrei.

Haba ai jingkren ha kane ka sngi, U Shri Myrthong, U la ong, “Ka jingai ia ki jaka leit Shabar kiba khuid bad kiba tikna ka long kaba donkam naba ka long ka synjam kaba wanrah ka jingtikna ba baroh ki khynnah, khamtam ia ki khynnah kynthei, ba ki don ia ka jaka pule ba shngain bad ba biang na bynta ki kynnah kynthei. Kine ki lad jingiarap, ki wanrah ia ka jingbha bad ki kyntiew ia ki jingdonkam kiba kongsan ha ki jaka pule puthi bad ki iarap ruh ban wanrah ia ka jingloit jingkhiah ia ki khynnah pule. Ngi dap da ka jingsngewnguh ia kane ka jingnoh synniang jong ka Indus Towers bad ka jingsnoh kti ka jong ka ban iarap ban kyntiew ia ki skul ha kane ka thain.
Haba kdew ia ka mat jingkonsan jong kane ka jingsdang, U Rajender Gurung, Circle CEO – NESA, Indus Towers Ltd., u ong, “Ka Indus Towers, ngi don ka jingngeit ba ka jinglah ban ioh bad ban pyndonkam ia ki jaka leit shabr kiba khuid bad kiba shngai ki long kiba donkam na ka bynta ka burom, ka jingkoit jingkhiah bad ban pynshlur ia ki khynnah kynthei. Lyngba ka jing pyntreikam ia ka CSR initiative, Pragati, ngi don ka jingbah khlieh ban kyntiew ia ki jingtei ha ki skul bad ban wad ia ki jingdkhoh kiba lah ban ktah ia ka jingpule ki khynnah kynthei bad ia ka jingkoit jingkhiah. Kane ka jingsdang ka pyni ia ka jingiai pyrshang ka jong ngi ban iatrei lang bad ka shnong ka thaw ban pynlong ia ki jaka pule/skul ki jaka kiba shngain bad ban wanrah ia ka jingkylla kaba don jingmut ha ki ja kaba dang duna bha kum kine ki jingtei.”
La pyntreikam ia ka projek lyngba Ka NEAID (Northeast Centre for Equity Action on Integrated Development), kaba ju ia trei bad kine ki skul kiba don ha ki shnong ban iarap ban kyntiew ia ki lad kiba lah ban wanrah ia ka jingkhuid jingsuba. Ka Indus Towers ka la ia snoh kti lang bad ki kynhun kiba ju trei ha ka shnong ka thaw ban pyniar ia ka lad bad ka jinglah ia ki khynnah ba kin ioh ia ki jingiarap ban wanrah ia ka jingkhuid jingsuba ha ka Ri India baroh kawei.