Iatehlok ka Mia da ka Tanishq bad ka tamasa Hornbill Festival 2025, ka pyni ia ka kolshor bad ki tiar ki tar ba shna kti

Ka Mia da ka Tanishq ka la iasnohkti bad ka Hornbill Festival 2025 kum ka shlem kaba iadei bad ki style ne Official Style Partner, ban kham pynitynnad shuh shuh ia ka jingdon jong kane ka lympung kaba pawnam bha ha kaba iadei bad ka jingpyni ia ki riti dustur. Ia kane ka jingpynbna la leh ha Kisama Heritage Village, ha kaba ka heh jong ka Mia’s Business, ka ShyamalaRamanan, ka la iadonlang bad u myntri rangbah jong ka Nagaland U Neiphiu Rio, ki myntri sorkar bad nongaiktien ha ka sngi plie ia ka lympung.  Kane ka kompany ka la buh ia ka jaka ha kaba ki briew ki lah ban leit mih bad kren ne ka engagement zone, ha kaba la buh ia bun ki bynta, ka jingiakren bad ki nongwan bad ka jingpyni ia ki tiar ki tar ha ka rukom kaba kyrpang. Ha ka sngi kaba 3, ka Mia ka la buh ban pyllait ia ki jingdeng ba kyrpang bad ba pynmih tang khyndiat kata ka “Mia x Hornbill”, ba la pynwandur kum ka jingai burom ia ka jingtbit jong ka Nagaland ha ka jingoh shrong oh shrup bad jingkiew jong ki kynthei ha ka juk ba mynta ha India. Kane ka thup ka la shim ia ka jingai mynsiem na ki tiar shna kti kiba katkum ki riti dustur, ka kolshor, bad ka jingpyni ia ka jingshlur.

Haba kren ha ka lympung, ka Ramanan ka ong ba ka jingiatehlok ka pyni ia ka jingtrei ba radbah jong ka Mia kaba la slem bha ha ka thain shatei lam mihngi. “Ka matti jong ka thain ha ka liang ka rukom shna ia ki tiar ki tar bad ka jingnang ban oh shrong oh shrup ka iai bteng ban ai mynsiem ia ki jingshna jong ngi. Ki jingdeng ba la ti kum ka Mia x Hornbill ka long kum ka jingrakhe ia ka jinglong kyrpang, ka jingkhlain bad ka jingsarong ia la ka jong ka kolshor,” ka ong. U myntri rangbah U Neiphiu Rio u la pdiang sngewbha ia kane ka jingiatreilang, da kaba ong ba ka khring ia ka ri sha kine ki kolshor ka jylliew kiba la suhthied bad ka jingbtit ha ki kam shna kti. “Kane ka jingiatehlok ka pynkup burom ruh ia ki nongshna tiar kti jogn ngi bad pyni kumno ba ki riti dustur ki bteng ban ai mynsiem ia ki jingshna kane ka juk mynta.,”u ong.

Na ka bynta ki nongthied na Shillong, ka jingkiew ha ka liang ka iew ban thied  ia ki jingdeng kiba bha, ka jingiatehlok kan pynkhlain ia ka jingiadei jogn ka thain bad ki brand ne ki kompany kiba niewkor ia ki riti dustur.