U Lamphang ka Iingdorbar Thaw Ain u Thomas A Sangma hynne ka sngi ula pyntip ba ka ilekshon ban jied Deputy Speaker thymmai kan dei haka 12 tarik mynta u bnai kaba dei ruh ka sngi khatduh jong ka Dorbar Synrai. Ia kane u Lamphang ula pyntip hadien ba jing hiar shuki noh u Timothy D Shira kum u Deputy Speaker ka Iingdorbar Thaw Ain ka Jylla.
Haba kren shaki lad pathai khubor u Lamphang ula ong ba iaka shithi iehnoh kam u Deputy Speaker la ioh pdiang haka step jong ka 8 tarik kaba dei ruh ka sngi nyngkong jong ka Dorbar Synrai.U Lamphang ula ong “Hadien ba nga ioh pdiang iaka shithi na u Deputy Speaker, nga la khot kyrkieh iaka jingialang BAC bad ngi ka shim iaka rai ban pynlong iaka ilekshon ban jied Deputy Speaker thymmai haka 12 tarik mynta u bnai kaba dei ruh ka sngi khatduh jong ka Dorbar Synrai” la ong u Lamphang.
Haba kylli u Lamphang ula iathuh ba haka shithi, u Timothy D Shira u khlem kdew iaki daw ban pynlong ia u ban ieh noh iaka shuki Deputy Speaker ka Iingdorbar Thaw Ain ka Jylla. “Hynrei nga la ioh sngew ba u Deputy Speaker ula ioh hukum naka Party ban hiar shuki noh” ula ong.
You may also like
-
Ka Assam Rifles ka wanrah ia ki tiar iakhun katkum ka juk mynta
-
Tang hadien 2 bnai mih thliew ka surokbah, 20 sngi ai por ka JSU ban maramot
-
Mynjur u Lat I’a Amendment Rule GHADC, ki bym dei riewlum kim ioh iakhun ilekshon MDC
-
Iakynduh ki Sengbhalang na Garo ia u Lat, kyntu pynkylla kyndon ilekshon ki kyrtong bad nongthep vote ki dei ban don ST
-
10 sngi ai por ban jurip ka tnad Tnat Urban bad DS Laitumkhrah