Ingkhong lut ka iing ha Umlyngka

Kawei ka iing kaba don ha shnong Umlyngka ha ka dong Mission hynne ka janmiet ha ka por kumba 5 baje janmiet ka la klang bad bam duh ia ka iing jong i kong B. Marbaniang.Ka jingklang jong ka ding ka la long kaba shyrkhei ha kaba la ingkhong lut khait ka iing kynthup naduh ki tiar ki tar.Ha katei ka iing la don laitylli ki kamra kiba sah wai, hynrei ha katei ka sngi kim shym la don mano mano hapoh ka iing, namar kiwei kiba dhong ha katei ka iing  ki dang leit shnong bad u wei  pat u dang mih leit dukan.

Mar ia jia kane ka jingjia, ki paidbah nongshong shnong ki la wan kyrkieh ban iarap da kaba rah ia ki borti um bad katto katne por la wan poi ruh ki kali kit um kiba la lah ban pynlip ia ka ding ban khanglad ia ka ban pur sha kawei pat ka iing kaba buh ia ki khaw rashon. Katba ka kali pynlip ding ka la wan poi ha ka por 6 duna eiei bad la lah ban pynlip pura ia ka ding kaba dang meh.

Katkum ka jingiathuh u Rangbah Shnong, la iathuh ba ka daw jong ka jingjia ka lah ban dei na ka bording elektrik, namar naduh mynstep la sdang don ka jingthud ha ki wiring, hynrei ym shym la poi pyrkhat ba kan jia haduh katne haduh ba ka iing ka la ingkhong khait.Ha kane ka jingjia la don lang ki nongialam shnong, kynthup ia u Bah Staphen Lyngdoh, u Bah Trikilak Lakiang bad u Bah Leofast Majaw, nalor kiwei de.