Kawei ka trok kaba kit ia u soh Watermelon kaba dang kiew na thaiñ Guwahati sha Shillong, kala kem ding noh ha ka surok bah National Highway 06 kaba don ha Shangbangla, Ri Bhoi District.Kane ka jingjia pluh ding kala jia hynne ka step ha ka 2:30 eiei, ha kaba ki thylliej ding ba shyrkhei kila bam duh ia kane ka trok kaba don ia u nombar JK 02 CB 4335 kaba la ñiah da u Datta Wagmare na Maharashtra.
Mar ia ioh jingtip halor kane ka jingjia, na ka liang ki bor pulit ka Nongpoh Police ha ryngkat bad ki pulit pynlip ding kila leit mardor sha katei ka jaka ban tem noh ia ka ding hynrei tad haduh ban da lah ban pynlip ia ka ding, ki thylliej ding ki la ioh ban bam duh ia katei ka trok. Shuh shuh ruh, la ioh jingtip ba ka jingjia pluh ding jong kane ka trok, kadei kaba la suba jur ba lah ban dei namar ka laiñ bording lane ‘Short Circuit’ bad ha kane ka jingjia ym shem la don ka jingjia ba sngewsih lait noh ka jingjulor jong kane ka trok bad ki soh kiba la kit da kane ka trok.
Ki pulit, kin dang pynlong ia ka jingtohkit halor kane ka jingjia bad la sakhi ruh, ba ki paitbah nongleit nongwan kila poi ha kane ka jaka bad kila ia muja ha kaban tam ei ia ki soh kiba dang bha.
You may also like
-
Kmen ki paidbah ka thain Upper Shillong ba suk ka leit wan na ka surok ‘Four Lane’
-
Leit jurip u Bah Sanbor ia ka jingtei Shillong Ropeway Project ba T.151 klur
-
Pynkup bor u DC ia ki BDO kum ki ‘Executive Magistrate’
-
Kem ki pulit Mawkyrwat ia u runar na Gujarat ba ‘Blackmail’ ia ka samla haduh ban pyniap ia lade
-
Ka jingialang ki ‘Scouts & Guides’ban kyntiew ka jingiatreilang ha ka imlang sahlang