Jur ka jingtih khyndew bad maw beaiñ ki dkhar Assam na Meghalaya ha Rani Jirang

Wat la ka sorkar jylla ka la khang pyrshah ban tih khyndew bad klong maw ha ki thain Rani Jirang, khappud bad ka Assam katkum ka hukum ka National Green Tribunal (NGT), namar ka jingtih maw bad khyndew ka la pynjot bad pynjulor ia ka Mariang hynrei la lap ba ba jingtih maw bad khyndew ka dang iaid bteng haduh kine ki ki Sngi ha thain Rani-Jirang, Ri Bhoi District.
Kane ka jingtih maw bad khyndew be-ain hapoh hima Jirang ka long pyrshah ia ka hukum ka NGT bad na ka liang ki bor sorkar kim shym la lah ban tehlakam, kaba pynlong ia ki briew na Assam ryngkat ka jingsngew thuh jingmut bad katto katne ki trai jaka ban trei sop sop ban ioh kamai spah shimet bad ka long ka jingduhnong ba khraw ia ka Hima.
Kane ka jingailad ki bor hima ban tih khyndew be-ain hapoh hima Jirang ka long ka kabu ia ki dkhar ban tih maw bad khyndew ha ka ka por mynmiet khlem ka jingtip ki trai jaka ne ki bor pyniaid himaKine ki jingtih khyndew bad maw beain hapoh hima Jirang kumba long mynta ka pynioh nong tang ia ki katto katne ngut hapoh hima hynrei kiba bun kiba ioh nong ki dei ki dkhar na Assam kiba wan tih khyndew na Meghalaya khlem ka jingtip ki trai jaka ha ki por mynmiet.
Kumba long mynta ki bor jong ka hima Jirang kim lah shuh ban tehlakam ia ki briew na Assam kiba wan tih khyndew bad maw hapoh hima Jirang, Ri Bhoi District bad kane ka long ka jingma ia ki trai shnong khamtam kiba sah ha khappud bad ka Assam.