Jurip ka MLA bad ki ophisar ia ka surok NH-6, dawa pyndep shwa ka aiom slap

Ka MLA Sutnga-Saipung Konstitwensi, ka kong Santa Mary Shylla ryngkat u Deputy Commissioner, East Jaiñtia Hills District u Shivansh Awasthi bad u Superintendent of Police, u Giri Prasad, Project Director ka NHAI ki leit jurip lang ia ka jingtrei ba dang iaid shakhmat ban maramot ia ka surokbah NH-6 hynnin ka sngi.

Ha shwa ban leit jurip, la pynlong ia ka jingialang ha ophis jong u Deputy u Commissioner, East Jaintia Hills ryngkat ki heh sorkar bad ki heh ka NHAI kiba la pyntip ka kam la dep 65 percent bad ka jingtrei ka dnag iaid iaid shakhmat ki khmih lynti ban pyndep hapoh 2 bnai shwa ban poi ka aiom slap.

U Deputy Commissioner, East Jaiñtia Hills ula pyntip ki bor pyniaid district ki ju iatreilang bad ka NHAI na bynta ka jngbit jingbiang ki paidbah bad namar ka jingbteng ka jingtrei la khang ban iaid kali kali heh naduh 9 baje mynstep haduh por 5 baje janmiet.

Katba ka jingtrei ia ka surok Sonapur ha Kuliang, Umkiang bad ha Ratacherra ka suki bha bad la bthah ia ka NHAI ban shim ia ki lad ki lynti ban pynbiang ki nongtrei bad ki kor ki bor mashin ban pynsted ia ka kam.

U Superintendent of Police, East Jaiñtia Hills District, u Giri Prasad ula pynpaw ka jingslem ban maramot ka wanrah ka jingdheng kali man ka por bad kyntu ia ka NHAI ban shimkhia pyndep kloi ia ka kam hapoh ki 2 taiew ban wan na bynta ka jingmyntoi ki paidbah nongleit nongwan.

Ka MLA Sutnga-Saipung Konstitwensi ka kong Santa Mary Shylla ka pynpaw ka jingsngewkhia halor

ka jingslem ban maramot ia ka surok Sonapur.

“Nga la jurip ia ka surok NH6 naduh Khliehriat haduh Malidor mynta ka sngi ryngkat ki heh jong ka NHAI bad ki heh jong ka distrik bad nga sngewkhia ban iohi ia ka jingslem ka kam. Nga sngewkhia ia ka jingeh ki nongshong shnong bad ki nongleit nongwan ki hap ban shah ia u pum pum bad ka jingthut ha ka leit ka wan namar ka jingsniew ka surok. Ngan iakren bad ki bor halor ban bthah ia ka NHAI ban pyndep kloiia ka kam shwa ka aiom slap” la ong ka kong Santa Ha kane ka jingleit jurip ki don ruh rangbah shnong bad kiwei kiwei.