U Myntri ka Sorkar Jylla u Bah Sanbor Shullai uba dei ruh u MLA ka South Shillong Constiuency ha ka sngi Saitjain ula leit jurip ia ka jingtei ia ka Mini Hospital ha Lower Lumparing. Ha kane ka jingleit jurip u Bah Sanbor Shullai la wan ban donlang ki heh Engineer bad Officer Sorkar bad ki nongialam shnong ha kaba kila peit ia ka jinglong jingman bad ka rukom pyntrei ia ka kam.
La khmih lynti ba ha u Kyllalyngkot jong u snem ban wan yn sa shna pyndep noh ia kane ka jaka ai jingsumar bad kan long ka jingmyntoi ia ki paidbah ban ioh jingsuamr haba ki pang ki shitom. Hadien kane, u Bah Sanbor ula leit ruh ban khmih ia ka jingshna ia ka Link Road ha Kynjat Phutbol Lumparing bad ia ka Link Road na Rilbong kaban mih sha Umshyrpi.
Ha kaba iadei bad ka jingshna ia kine ki surok, la bthah ban ialeh noh ban pynsted ia ka kam khamtam haba mynta kala wan ka aiom tlang bad la khmih lynti ba un ialeh ban pyndep kloi ia ka jingshna ia kine ki surok khnang ba kan pynsuk ia ka leit ka wan jong ki paidbah.
You may also like
-
Iakynduh u Air Marshal bad ki nongthoh khubor
-
Hadien shisnem tam ba pynjari President RuleThaw sorkar ka BJP ha Manipur, u Yumnam Khemchand kum CM
-
Ka New Shillong Water Supply Scheme ka kynthup 32 ki shnong
-
Palat T. 35 Lak tuh ki runar na ka ATM ha Mylliem
-
Plie u Myntri sorkar ïa ka Sampoornata Abhiyan 2.0 : 5 tylli ki KPI yn peit ka Ri Bhoi