Ka Departments of Social Work bad Khasi jongka Captain Williamson Sangma State University (CWSSU), Shillong Campus ryngkat ka jingiatreilang bad ka Department of Music, Martin Luther Christian University (MLCU), ha ka sngi saitjain kila plie paidbah ia ka Raibah Living Library ha ka shnong Raibah, South West Khasi Hills District.
Ia kane ka jingseng ia ka Raibah Living Library, la bei tyngka da ka Royal Enfield & Green Hub da ka jingthmu ban pynkhie im ia ka jingstad tynrai bad ka jingpule ha ka shnong ka thaw bad ka jingbuh ia kane ka Library kadei da ka jingthmu ban pyniasoh ia ki pateng lyngba ka jingiakren, ka jingpynwandur bad ka jingpule kaba ngam jylliew ha ka kolshor bad riti dustur ka shnong ka thaw.
Ha kane ka sngi la pynlong ia ka jingiathuh ia ki khana, ka jingpyninam iaka kolshor, ki jingialehkai tynrai, ki jingai jingkren ha kaba la pynpaw ia ka jingkongsan ki shnong ki thaw ha kaba iadei bad ka jingpule bad ka jingpynkhie im iaka jingstad tynrai. La pyni ruh ia ka documentary film kaba la pyni shaphang ka jingiaid lynti jong ka Raibah Living Library bad TALES bad ka jingpynbyrngia lyngba ka tem ka put.
You may also like
-
Ka jingweng ia ka ‘Nofication’ ka pynpaw ba don jingbakla halor ka SPF, ong ka VPP
-
Shah kem 2 ngut ba tynrah ia u Addl SP Traffic
-
Ka jingrakhe lyngkhuh 139 snem ka Balang Unitarian ka long ban pynthymmai ia ka jingngeit
-
Ka AMMRPWU kam don bynta shuh bad ka JAC: Bah Nazarius K Lanong
-
Shah kawang Petrol bom ka Lumdiengjri PS, julor ka kali DHS ba kem ding