Ka Adalat Penshon & Provident Fund ha ophis AG

Kum shibynta ka Audit Week 2025 Outreach Programme, la pynlong ia ka Pension & Provident Fund Adalat mynta ka sngi ha ka Ophis jong u Principal Accountant General (Audit & Entitlement), Meghalaya, kaba long ka sienjam kaba kongsan ban pynbeit ia ki case ba la sahtengslem ba iadei bad ka bai bam tymmen bad ka provident fund kaba la ktah ia bun ki briew ha kylleng ki jylla. Ka Adalat ka long kum ka rynsan na ka bynta ki Drawing & Disbursing Officer (DDO), ki nongmihkhmat jong ki tnad bad ki ophisar jong ki distrik ban ïatreilang ban weng ïa ki jingpynslem ba ryntih kiba khangladïa ka jingpynbeit ha ka por ïa ki jingkam ia ka provident fund.U  L. Hangsing, Principal Accountant General (A&E), Meghalaya, uba la plieia ka Adalat, u la ban jur ia ka jingdonkam jong kane ka sienjam. “Ngi dei ban pyndonkam ia kane ka rynsan ban pynkhuid ia baroh ki case ba dang sahteng jong ka bai bam tymmen bad ka provident fund bad ban pynthikna ba ym don uwei ruh u nongioh jingmyntoi uba hap ban ap ia ki hok jong ki,” u la ong.

U la pyntip sha ki nongïashim bynta ba ka rukom thep online na ka bynta ka bai bam tymmen bad ki case GPF ka dang don ha ka jingpynkhreh, ha kaba ki bor ba dei khmih mynta ki lah ban ai lyngba ka e-Pension, ki rynsanl e-GPF bad ka DigiLocker na ka bynta ki nongïoh jingmyntoi. Ka sienjam ka ban jur ia ka jingkut jingmut jong ka sorkar ban pynthikna ia ka jingpynbeit ha ka por kaba biang bad kaba shai ia ki hok jong ki nongioh jingmyntoi. Ka Adalat ka la ithuh ia kiwei pat ki mat kiba kongsan kynthup ia ka jingbymiahap kyrteng, ki jingbakla ha ki kot ki sla bad ka jingpynslem kaba jur ha ka jingphah ia ki case GPF da ki DDO bad ki Khlieh jong ki Tnad, kaba la wanrah jingeh ia ki nongshim bynta kiba shaniah ha kine ki pisa ba dei ban ioh hadien ba la shongthait. Ha kane ka jingialang, la lah ban pynbeitia bun ki case kiba la slem bha ba iadei bad ka provident fund lyngba ka jingiatreilang hapdeng ki ophisar bad ki nongmihkhmat jong ki tnad. Ki nongmihkhmat na ki tnad kam pohiing, Social Welfare, PWG (Buildings), Sericulture bad tnad ka koit ka khiah ki la iashim bynta shitrhem bad ki la kular ban pynbiang kloi ia ki kot ki sla kiba donkam khnang ban lah ban pynbeit kloi ia ki case kiba dang sahteng.

Ka Adalat ka la kut da ka jingkular kaba thymmai ban pynstedia ki jingpynbeit ia ki case kiba dang sahteng. U RupakSaha u la pdiang sngewbha ïa ki nongïashim bynta, katba u Ratul Chandra Borah u la ai ïa ka jingai khublei, da kaba ban jur ïa ka jingpynlong man ka por ïa kum kine ki rynsan na ka bynta ka bha ka miat jong ki nongïoh jingmyntoi. Ki ophisar na ki ophis bapher bapher jong ka district ba kynthup ia u Deputy Commissioner Ri-Bhoi, u Superintendent of Police na Ri-Bhoi bad East Khasi Hills, u ophisar jong ka District Sericulture na West Khasi Hills,  Executive Engineer (Roads) Nongpoh,  Block Development Officer) Umling, Director jong ka Tnad Social Welfare, Chief Engineer PWD (Buildings) Shillong, bad District Medical & Health Officer West Khasi Hills Nongstoin ki la iadonlang bad ki la iashim bynta ha ki jingiakren.