U Myntri Rangbah ka jylla u Conrad K. Sangma ula ong, ba ki nongialam ka Congress wat la ki iashong lang ha kajuh ka miej, hynrei ka iing jong ki ka long kaba la iapait iapra lypa. Ia kane u Conrad ula ther hadien ba u President ka MPCC u bah Vincent H. Pala ula kam ba ka jingdon ka North East Regional Forum kaba la thaw dang shen ha Delhi, kaba iadon lang ka NPP, ka Tipra Motha Party, ka dei tang ka buit ban pynphiah ban pyniapait ia ki kynhun.
“Ym donkam ban da pyniaphiah ia ki namar ki la ia phiah lypa. Ka Congress ka la ia phiah lypa , wat la ki iashong lang ha kajuh ka miej ban iakren hynrei hapoh jong ki, ki don la ka jong ka jingthmu,” ong u Conrad. Ula ong ba kum ka party NPP ka la kren shai ba kam don hangne ba kan pyniashrut bad no badno ne ban ia pyrshah hynrei ka don na bynta ban pynbha bad ban iapyntylli.
“Ka party ka don jingngeit ba ki jylla ka thain Lammihngi, kidei ban iatrilang na bynta ka bha ka miat jong kiba bun balang namar lada ha ka politik tang lada ngi iatylli, ngin lah ban pyntikna ban rah ia ka khubor sha kylleng ki jaka bad ngin lah ban ai ka jingshakri sha ki paidbah,” ula bynrap.
You may also like
-
Ka Assam Rifles ka wanrah ia ki tiar iakhun katkum ka juk mynta
-
Tang hadien 2 bnai mih thliew ka surokbah, 20 sngi ai por ka JSU ban maramot
-
Mynjur u Lat I’a Amendment Rule GHADC, ki bym dei riewlum kim ioh iakhun ilekshon MDC
-
Iakynduh ki Sengbhalang na Garo ia u Lat, kyntu pynkylla kyndon ilekshon ki kyrtong bad nongthep vote ki dei ban don ST
-
10 sngi ai por ban jurip ka tnad Tnat Urban bad DS Laitumkhrah