U kyrtong ka Hills State People’s Democratic Party (HSPDP) Nongspung- Sohiong constituency u Bah Stodingstar Thabah hynne ka sngi ula pyndep ban thep kyrteng ha office DC East Khasi Hills. Haba kren shaki lad pathai khubor u Bah Stodingstar ula ong ba ha Nongspung-Sohiong constituency baroh ki kyrtong ki dei lut ki snar hynrei watla u hap ban iakhun ia ki snar, u don pat ka jingkyrmen ban jop ha kane ka ilekshon MDC 2025.U Bah Stodingstar u la ong ruh ba ka thong jong u ban iakhun ha kane ka ilekshon ka long ban peit bha ia ki It ki Hima ha Nongspung-Sohiong constituency namar kumba ka long mynta ka jingsynshar ia ki Hima ka don shibun ki kynrum kynram bad kam pat long kaba biang namar kam pat don ia ki aiñ ba biang.
U la ong ha Nongspung-Sohiong constituency ka ilekshon ka iapher haba ia nujor bad kiwei ki Constituency. Ula bynrap kum ki kyrtong ha ba ki leit ban ialap ilekshon ki sngewthuh lypa ba ki paidbah ki la stad ban jied ia u MDC ban phah sha District Council.
“Mynta ka kynti ki paidbah ki long kiba stad bad kiba laitluid ban jied ia u nongmihkhmat namar ki la stad bad shemphang” u la ong.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station