U Myntri Rangbah ka Jylla u Conrad K Sangma hynne ka sngi ula pynksan halor ka Investments Meghalaya Agency (IMA), da kaba ong “Ka jingkylli kam mih satia ba yn pynkylla noh ia ka Land Transfer Act ne iaid lait ia ki bor shnong lane ia ki District Council”. Haba kren sha ki lad pathai khubor u Conrad ula kyntait ruh ia ki khubor hamasaia ba kynnoh ba ka Sorkar Jylla lyngba ka IMA, ka thmu ban pynkylla noh ia ka Land Transfer Act. U Conrad u la ong ka IMA ka dei ka agency jong ka Sorkar Jylla kumba long kiwei ki agency kum ka MIDC ne MeECL kiba dei ki bor treikam jong ka Sorkar ban pynioh jaka ban wanrah ia ki karkhana.
U la ong ruh ba lyngba ka IMA ki kynhun ne kino kino ba kwah seng kam ha ka Jylla ki lah ban pan jaka na ka bynta ban seng kum ia ki jaka pule, ki hospital bad kiwei kiwei.”Ka IMA ka dei tang ka rynsan ban pynsuk ia kito kiba kwah ban seng kam ki lah ban wan ha kawei ka jaka. Hynrei na bynta ki jingbit ba ki dei ban ioh kum na ki District Council bad kiwei kiwei ki hap beit ban leh,” u la bynrap.
“Ka long bakla ban ong ba ka sorkar ka thmu ban pynkylla ia ka Land Transfer Act bad ka jingkylli kam mih hi ruh ban iaid lait ia ki District Council lane ba kita ki kynhun shimet kin lah ban wan thied jaka hi da lade” u la ong.
You may also like
-
Dawa ka AJMW&LU ban siew tulop 10 tarik namar ka Behdeiñkhlam
-
Ai burom ia u shipai ba la shongthait bad kaitor ba pawnam
-
Leit tur kyndit ka COMSO ha Secretariat ban dawa pyntreikam ILP
-
Pynkup burom ka NPWF ia ki longkmie ha ka sngi rakhe ‘Mother Day’
-
Pynïasoh UDP palat spah ngut ki nongïalam na kiwei ki party