Ka Jylla ka la pynkhreh ban iakhun khlam Covid-19

Ka Myntri ka tnat ka koit ka khiah ka Kong Ampareen Lyngdoh hynne ka sngi kala pyntip ba ka Sorkar ka la long kaba pynkhreh ban iakhun lada wan lynshop biang ka khlam COVID-19. Haba pynksan baka Jylla ka kala biang lut ki lad jingïada, ka Myntri ka kyntu iaki paidbah ka Jylla daka ba ong “Nga kyrpad ruh ia ki paidbah nongshong shnong ba kin bud ryntih ia ki jingbthah ban iada na ka jingsaphriang u khñiang jingpang”. Ha kren sha ki lad pathai khubor, ka Kong Ampareen ka la iathuh hadien ba lap biang ïa u khñiang jingpang Covid ba thymmai haki katto katne ki bynta jong ka ka pyrthei, ka Sorkar Jylla ruh kala lum jingkyrkieh ban pyrkhat kam bad ban pynkhreh lypa.

“U Covid mynta u long kum ka jingpang Flu naduh ki spah snem mynshwa haba ym pat don dawai ban sumar ha kito ki snem hynrei mynta ia u Covid ka Sorkar ka la pynkhreh bad ka la peitngor ruh ia ka jinglong jingman” la ong ka Kong Ampareen. Ka Kong Ampareen kala ban jur ba lada don mano mano kiba ioh ia ka jingpang jyrhoh kaba slem, ka jingpang shitmet lane kino kino ki dak kiba pyni ba ki ioh ia u Covid, kidei ban leit phah test noh mardor.  “Lada bad ynda ka jingleh test ka paw ‘Positive’ sngewbha ban bud ia ki kyndon.  Ngi dei ban kynmaw ia ka SOP jong u Covid.  Ka jingiada biang por ka kham lah ban pynkoit khamtam lada ka dei leilei ia u Covid” kala ong.

Ka Myntri ka la iathuh ruh ba ka Meghalaya ka dap pura ia ka Oxygen, ki jingthiah ha ICU, ki dawai dashin bad baroh ki PHC, CHC ki dei kiba la biang bha ia ki tiar ki tar ban ai jingsumar ia ki ba pang Covid.