U Nongaiktien ka Sorkar MDA uba dei ruh u Myntri u Bah Paul Lyngdoh u la ong ba ka jingpynbteng ia ka jingkhein beain pyrshah ia ka seng Hynniewtrep National Liberation Council (HNLC) sa san snem ka dei namar ba kane ka seng kam shym la ai ia ka jubab kaba sngewtynnad halor ka jingiai khot ka Sorkar ban pynsdang biang ia ka jingiakren iasuk.
“Ngi long kiba kloi ban iakren. Ha ka jingshisha, ka jingiakren bad ka kynhun kan dei shi jam shakhmat ban weng noh ia ka jingkhein beain hynrei namar ba kim shym ai ka jubab kaba sngewtynnad, ka jingkhein beain kala bteng” la ong u Bah Paul.
U Bah Paul u la ong ba ka jingkhot ïakren iasuk haduh mynta ka dang bteng haduh mynta namar ka Sorkar ka kwah iaka shong suk shong shngain hapoh ka Jylla. Lah ban kdew ba ka UAPA Tribunal dang shen kala hukum ban pynksan ia ka rai jong ka Ministry of Home Affairs ban pynbna ia ka HNLC kum ka kynhun ba beain sa san snem.
You may also like
-
Kiew 7,500 ki Case shah dait ksew East Khasi Hills
-
Ka Cherry Blossom Festival New Shillong, ka tiket T.2,500 ba duna eh
-
Ka khubor thok ba leit iasoh BJP ki MLA UDP: Olan Sing
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet