Ka Meghalaya ka pynmih shynrai palat 7 hajar metrics tone

Ka jylla Meghalaya ka pynmih 7 hajar metrics tone u shynrai bad ka la pynlong ia ka tamasa shynrai ne Meghalaya Spice Festival ba lai Sngi Jio World Drive, Bandra Kurla complex, Mumbai Maharashtra.
Ia kane ka tamasa shynrai ba lai sngi la plie da u chief secretary ka jylla u Dr Sakhil Ahmed ha ka jingdonlang u Dr Vijay Kumar, u secretary ka Indian commerce and industry, ka secretary National Turmeric Board, ki ophisar ki nongrep bad ki nongseng na jylla Meghalaya.
Ha ka jingkren u chief secretary u Dr sakhil Ahmed ula ong, ka jylla Meghalaya ka long kaba seisoh na ka jinglong ka Mariang ka khyndew bad ka pynmih ia ki mar rep, ki jhur ki soh kiba bang ba sngiam bad kyntu
ia ki nongbei tyngka ban phaikhmat sha ka jylla na bynta ban seng karkhana ban kyntiew ia ki nongrep bad na ka liang ka sorkar kan pynheh shuh ki jaka rep ban kyntiew ia ki nongrep ka jylla ha ki snem ban wan.
Kumjuh u Dr Vijay Kumar ula ong, ka Meghalaya ka don bun ki jaka shangkai pynthei kiba itynnad kum ka Sohra, Dawki bad ka jingdon ki jingkiengjri, ki krem, ki kshaid ka la khring ia ki nongshangkai pyrthei na kylleng ki jylla bad na shabar ri kine ki khyndiat snem.
Ia kane ka tamasa la pynlong kum shibynta ban kyntiew ia ki nongrep bad ki seng lajaong na jylla bad ban pyniaid Iew ia ki mar rep kum u synrai Lakadong na Jaintia ba la bna nam, u sohmrit, shyieng, sohmynken, sla tyrpad bad kiwei kiwei.
Ha kane ka tamasa ki don kumba 40 tylli basa ban die ia ki marep na jylla bad kiwei kiwei. La pynphuh pynphiemg ia ka prokram da ki jingrwai bad shad tynrai khasi bad garo.