Ka Meghalaya kam duna Umphianng Petrol, Diesel, ong u Myntri sorkar Methodius

Ka Meghalaya kam don ka jingduna Petrol bad Diesel, namar ki jingjia ki thma hapdeng ki Ri ka pyrthei, hynrei ka jylla kam pat don jingduna jingduna umphniang Petrol bad Diesel, la ong u Bah Methodius Dkhar Myntri ka tnat Food Civil Supplies & Consumer Affairs hynne ka sngi.

Haba kren sha ki lad pathai khubor u Bah Methodius Dkhar ula ong, wat la ka jinglong jingman ha pyrthei ka don hapdeng ka jingartatien ba lah ban don ka jingduna shalan Umphniang, hynrei kumba long mynta ka jylla Meghalaya kam don ka jingduna Petrol bad Diesel.

Ula ong kane ka jingmutdur ban don ka jingduna Petrol bad Diesel ka dei namar ki jingjia ki thma ha ki ri ka pyrthei bad ula ban jur ba ki la peit bniah ia ka jinglong jingman ba kan ym don ka jingduna umphniang.

“Lada ka thma ka dang iai bteng sa katto katne por, ka lah ban poi sha uta u pud bad kane ka dei ia ngi ban phaikhmat. Hynrei ia mynta kam don kano kano ka jingduna” ula ong.

U Myntri ula ong, ka sorkar kam pat ioh pdiang ka jingujor ba ym don ka jingduna na ki bor pyniaid district.

“Ki DC bad ki bor district ki dang peit bniah ia ka jinglong jingman bad ngi la bthah ia ki nongkhaii kim dei ban pyndonkam palat pud, namar lah ban wanrah ka jingduna bad ktah ia ki kiwei” ula bynrap.

Haba kylli la ka don kano kano ka jingthmu ban pyndonkam ia ka Odd-Even Formula, u Bah Dkhar ula ong, “Ia mynta kam pat poi haduh utei u pud, hynrei ngin wad buit ba biang ban pynsuk ia ki paitbah ba kin ym mad jingeh”.