Ka Nationalist Congress Party (NCP) ka la long kaba la pynkhreh na bynta ban ia aireng sha ka ilekshon sha Garo Hills Autonmous District Council (GHADC) ka ban sa long shen.
Ia kane la pyntip da u nongialam ba rangbah ka NCP u O.K. Sangma hadien ba la wai ka jingialang jong ka party kaba la iakren sani halor kumno ban pynsuhthied ban pynkhlain ia kane ka party ha ka thain Khasi bad Jaintia Hills.
Haba kren sha ki lad pathai khubor u Sangma, ula ong ba ka party ka la pynkhreh na bynta ban sei ia ki kyrtong ban pyniakhun ha ka ilekshon sha GHADC bad ia mynta ka dang don hapdeng ka jingpynkhreh ban jied ia ki kyrtong ha shwa ban shim ia ka rai ba khatduh.
Ula ong ba haduh mynta ka party ka ladep pynbna ban iakhun ha ki 7 tylli ki konstiwensi bad ia ki konstiwensi basah, yn sa pynbna hadien ba ka sorkar ka la pynbna ia ka sngi ban pyllong ia ka ilekshon.
Ha kajuh ka por, na ka liang ka party ka la kren shai ba kan nym ai tiket ia kino kino ki bar jylla ki bym dei ki riewlum Garo ban iakhun ha ka elekshon sha GHADC.
U State President ka NCP Meghalaya Unit, u bah Donkupar Nongrum ula ong ba baroh shi katta ki don bun ki bar jylla kiba iakhun ia ka ilekshon GHADC na ki party bapher bapher, hynrei ka party NCP ka la kren shai bad ka la rai ba da lei lei kan ym ai tiket ia ki bar jylla ban iakhun ia ka ilekshon GHADC.
“Ka party jong ngi ka kren shai ba kam ai tiket ia ki dkhar namarkata ki paidbah ha Garo Hills ki shaniah bad sngewtynnad ia kane ka party,” ula ong.
U bah Donkupar ula ong ba ha ka ilekshon District Council, ki bar jylla kim dei ban don bynta lait tang ki paidbah riewlum Garo.
You may also like
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad
-
Byrngem VPP ban khang tala ia ka ophis JHADC, lada ym siew tulob ia ki nongtrei hapoh 16 tarik
-
As Mukul considers his options, rumours are rife. As the TMC Disconnect Grows
-
In the Shillong Passing-Out Parade, 783 Recruits Join the Assam Regiment