Ka Nokrek Skate Park ha Tura Government Kolej

U Myntri Rangbah ka Jylla u Conrad K. Sangma hynne ka sngi ula plie paidbah ia ka Nokrek Skate Park ha Tura Government College, kaba la shna kum ka Corporate Social Responsibility (CSR) jong ka Decathlon.

Ia kane ka Skate park la shna hapoh ka Sports Infrastructure Development Initiatives, da ka jingthmu ban pynbun ia ki madan ialehkai ha West Garo Hills bad ban kyntiew ia kane ka jinglehkai ha kane ka jylla.

U Myntri Rangbah haba kren ha kane ka sngi, ula pynkynmaw ba ia kane ka projek la buh mawnongrim la jan shi snem mynshwa bad ula pynpaw ruh ia ka jingsngewkmen ban iohi ba kane ka projek ka la long kaba seisoh mynta.

Ula pynpaw ka jingkhmih lynti ba kane ka Nokrek Skate Park kan long kum ka jaka ba kyrpang na ka bynta ki riew ieid ialehkai Skateboard ha Tura bad ki jaka ba marjan.

U Myntri Rangbah ula ong ba ka jingbym don ia ka jaka ialehkai Skateboard ba kyrpang bun ki khynnah samla ki ialehkai ha ki jaka ba long paidbah.

“Bun ki samla ba ialehkai skateboard ki ialehkai ha ki jaka paidbah namar ka jingbym don ki madan ialehkai ba biang bad u la pynpaw ka jingkyrmen ba kane ka jaka thymmai kan pynbiang ia ka jingdonkam jong ki samla bad ka thain hi baroh kawei,” ong u Conrad.

Ha kajuh ka por, na ka liang u Myntri Rangbah ula ai khublei ia ka jingtrei shitom jong ka Tura Government College, ki nongiadon bynta lang, bad ki seng kiba kwah ban pyndep hok ia kane ka projek.