Ka sorkar ‘Double-engine’ ka wanrah ki kam pynroi ba ka Congress ka lah ha Assam

U Myntri Rangbahduh u Narendra Modi ula ther pyrshah ïa ka seng Congress kaba la pyniap shiliang ia ka roi ka par ha jylla Assam ha ka por ba ka dang synshar.Haba kren ha ka jingialang ha Sarusajai Sports Complex u Modi ula ong, ” Ka Congress ka ju pyndonkam ia ka Assam kum ka atiar ban ioh jingmyntoi ha ka sain pyrthei. Bun ki mat khamtam ha ka thain Bodoland, la pynim da ka seng Congress na ka bynta ka sain pyrthei ban vote”. U Myntri Rangbah ula kynnoh ka seng liang pyrshah ka khanglad ia ka roi ka par jong ka jylla da kaba pyrshah ia ki jingthmu ki kam pynroi.

Ha ka jingtih bniah la paw u nongialam ka seng Congress ka Karnataka, u Priyank Kharge u la ong: “Haba la pyntreikam ia ka karkhana semiconductor ha Assam, uwei u nongialam ba rangbah jong ka seng Congress uba dei ruh u khun jong u president ka seng riewlum, u la pyrshah ia katei ka jingleh jong ka sorkar. Kane ka la pynpaw ia ka dur ba shisha jong ka seng Congress ba kam kwah ia ki kam pynroi ha Asaam.”U la ong ka sorkar double-engine jong ka BJP ka la wanrah ia ka roi ka par ha Assam ban pynkhuid ia ka jingsahdien ha ki por synshar ka Congress. U la pynpaw ba ka Assam kan sa long ka jaka ba kongsan ha ka khana jong ka jingroi jong ka ri.

U Myntri rangbah ha ka jingleit jngoh ba ar sngi ha Assam la pdiang sngewbha da u Myntri Rangbah ka Jylla u Himanta Biswa Sarma ha Lokpriya Gopinath Bordoloi hynne ka janmiet.La shai ka Sngi U Blei por 11 baje mynstep, u Myntri Rangbah duh un leit sha Kaliabor ban pynlong ia ka jinglehniam bhoomi pujan na ka bynta ka Kaziranga Elevated Corridor Project, ka jingthmu ban pynroi ia ki jingtei ba palat T. 6,950 klur.U Myntri Rangbahduh un kaweh lama ruh ïa ar tylli ki rel Amrit Bharat Express bathymmai ki rel Guwahati (Kamakhya)-Rohtak bad Dibrugarh-Lucknow (Gomti Nagar) ban pynkhlaiñ ïa ka jingpynïasoh ki rel hapdeng ka dong shatei lammihngi bad ka thaiñ shatei lammihngi ka Ri India.