U Myntri ka tnad ka Koit ka Khiah ka jylla u bah Wailadmiki Shylla ula iathuh ba ka sorkar ka la rai ban pyniaid hi noh ia ka Tura Medical College.
Haba kren sha ki lad pathai khubor, u bah Waladmiki ula ong ba ha ka jingshisha ka sorkar ka la pynkhreh ban aiti ban pyniaid ia ka Tura Medical College sha ki kompeni shimet hynrei hadien ba la mih ka pyrshah jur na ki paidbah, ka sorkar ka la rai ban shimti ban pyniaid hi noh ia katei ka kolej kumba leh ia ka Shillong Medical College.
“Watla ka sorkar mynshwa ka la rai ban pyniaid ia ka Tura Medical College da ka Public Private Partnership (PPP) hynrei hadien ba la jur ka jingpyrshah na ki paidbah ka rilum Garo, namarkata ngi la rai ban pyniaid hi noh ka sorkar,” ong u bah Wailadmiki.
U la iathuh ba ka sorkar ka la pynkhreh shaid shaid ban pyntreikam ia kane ka College ha kaba la khot nonghikai bad lada ka jinglong jingman ka iaid beit bad la khmih lynti ba la shem snem yn sa ioh ban sdang noh ia ka klas.
Lah ban kdew ba ka sorkar ka la dep sdang ia ka jingpule doktor ha Shillong Medical College ha ki bnai kiba la dep bad ka sorkar jylla ka dang ap ban plie pyndep rukom u Myntri Rangbahduh ka ri ia kane ka shlem.
You may also like
-
Hadien 14 snem urlong ka Seinduli PHC, jurip u MLA Mawshynrut ryngkat ki Engineer
-
Wan nyngkong ka Meghalaya ha ka Ri ban kynjoh 86 percent ki skul ba lait na u duma
-
Khuslai ki paidbah ka thain Byrnihat ba duna tyndong lyer, kyntu ia ka sorkar ban pynbiang
-
Mynjur ka JHADC ia ka Mang Tyngka 2026-27 ba duna T.15 klur
-
Kem ding kynsan ka trok kit soh ha Shangbangla