U Symbud Myntri rangbah uba dei ruh u Nongialam ka National People’s Party (NPP) u Bah Sniawbhalang Dhar ula pynthikna ba kam don satia kano kano ka jingiapher jingmut hapoh ka iing ka sem jong ka NPP.Kane ka wan hadien ka jingmih ki jingkynnoh ba iaka sain hima sima ha rilum Khasi-Jaintia la bat da ka iing ka sem jong u Bah Sniawbhalang Dhar.
Haba jubab ia ka jingkylli halor ka jingiapher jingmut hapoh Iing, u Bah Dhar ula kdew ba ka jingskhem jong ka Sorkar ha kine ki hynniew snem shiteng, ka dei ka sakhi ia ka jingiatylli ka party.“Ha ka Iingka sem ka NPP, kam don satia kano kano ka jingiapher jingmut. Phi la sakhi ha kine ki hynniew snem shiteng. Ngi la iatreilang kum ka kynhun bad baroh 33 ngut ki MLA” ula ong.
U Bah Sniawbhalang ula nujor ia ka jingskhem jong ka Sorkar NPP bad ka Sorkar Congress, kaba mad ia ka jingiaknieh long nongialam man ka hynriew bnai.“Lada phi kynmaw ha ka por ka Sorkar Congress, man ka hynriew bnai kan mih ka jingiaknieh long nongialam. Hynrei ha ka NPP, kam ju don satia kaba kum kata. Phi tip bha ba kane ka dei ka Sorkar kaba skhem tam naduh ba ioh iala ka jong ka Jylla” ula bynrap.
You may also like
-
Ka jingkhang ia ki Haat khappud ka ktah ia ka kamai ki paidbah ha khappud India-Bangla
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory