Kem ki pulit Assam ia u Chancellor ka USTM

Ki Pulit ka Jylla Assam ki la kem ïa u Chancellor ka University of Science and Technology Meghalaya (USTM) u Mahbubul Hoque na ïing sah ha Ghoramara, Guwahati. Katkum ki khubor ba la ioh lum la iathuh ia u Mahbubul Hoque la kem da ki Pulit ka Panbazar Police bad ka kynhun Special Task Force (STF) jong ka Jylla Assam. La iathuh ka jingshah kem u Chancellor ka USTM ka dei halor ka jingkynno shim pisa ban leh thok ia ka eksam CBSE ia ki klass 12 ha ka Subject Physics. La iathuh baroh ki khynnah ba ialeh eksam Physics ha Kendriya Vidyalaya ha Assam Sribhumi Karimganj District ki don 274 ngut kynthup 45 ngut na katei ka skul bad 214 ngut na ka ERD Group.

La kynnoh ba don ka jingpynbeit pisa ban iarap ia ki khynnah skul jong ka ERD Group ha ka por ba pynlong ia ka eksam, hynrei la mih noh ki jingkulmar bad ki klem lah ban pynurlong ia ki jingkular.  Ki pulit Assam bad ka STF ki la sdang ka jingtohkit hadien ba la ioh ki jingujor halor ka jingdonkti jong katei ka jaka pule ha ki kam bymman. Haduh mynta ki pulit kim shym la pynpaw ka daw ba thikna balei la kem ia u Mahbubul Hoque.

Ka khubor ka iathuh ia u Mahbubul Hoque la kem ha ka miet 21 tarik bad la rah sha Panbazar Police Station ryngkat bad ka kurim jong u hynrei kiba haiing u Mahbubul Hoque ki la kiar ban kren halor kane ka jingjia. Ki khubor ki iathuh ia u Mahbubul Hoque la rah sha Sribhumi na ka bynta ban pynlong ia ka jingtohkit.