Ka Federation of Khasi Jaintia Garo People (FKJGP) West Jaintia Hills District ka la maham ia ka Northeast Frontier Railway (NFR) ba kam dei ban wanrah ia ka lynti rel sha thain rilum Jaintia katba ym pat don ia ki ain ba skhem. Ha ka kyrwoh khubor, ka seng ka la dawa ba ka NFR kadei ban sangeh mardor ia ka jingthmu ban sorjamin ia ka lynti rel ha thain Jaintia na Bhoksong, Rajagaon, Baithalangso, Jengkha, Kherani bad Umrangso ka ban pynïaosh haduh Jowai.
“Ka NFR kam dei ban phohsniew ia ka lynti rel sha rilum Jaintia bad ka seng ka la long kaba la khreh ban ia pynibor lada na ka liang ka NFR ka iaid shakhmat ban pynlong ia ka sorjamin,” ong ka FKJGP West Jaintia Hills District. Ka FKJGP ka maham ïa ka NFR ba kam dei ban leh tam bad da lei lei ka seng kan ym ailad ïa ka jingpyntrei ïa ka lynti rel ba kan ïaid sha khmat wat lada ka Sorkar ka thom biang da ka bor kumba ka la jia ha kine ki khyndiat bnai kiba la dep.
Na ka liang ka seng ka kyntu ia ka JHADC ba kam dei ban ai ia ka No objection certificate (NOC) sha ka Northeast Frontier Railway (NFR) na ka bynta ka lynti rel katba ka sorkar kam pat lah ban wanrah ia ki ain kiba khlain ki ban iada na ka jingwan rung kyrthep ha kane ka jylla.
You may also like
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet
-
Ka Rope Way kam wanrah jingma ne pom dieng pathar ha Lum Shyllong: Paul
-
Ym pat siew bai lutksan ban shna surok Six Lane na Jorabat-Umiam bad High-Speed Corridor na Umiam sha Silchar: Prestone
-
Ai u Myntri Rangbah T.5 lak ban pynbha u mot Subhas Chandra Bose bad Swami Vivekananda