Ka jingthep vote biang ha saw tylli ki Polling Station ha ki ar tylli ki konstitwensi, kata ha Musniang-Rngad bad Bataw-Lakadong, East Jaintia Hills ka long kaba iaid beit hynne ka sngi. Ki paidbah nongthep vote ki la mih paidbah ban pyndep ia ka hok ban jied ia ki nongmihkhmat sha ka JHADC hapdeng ka jingpahara jur ki pulit. Ha Musniang-Rngad konstitwensi, kata ha Wapung Skur-A Polling Station (Male) ki don 921 ngut kiba thep vote katba ha Wapung Skur-B Polling Station (Female) ki long 978 ngut ki la mih ban thep vote hynne ka sngi.
Kumjuh ha Bataw-Lakadong konstitwensi, kata ha Bataw A (Male) Polling Station 679 ki la mih ban thep vote katba ha Bataw B (Female) Polling station ki don 678 kiba la thep vote. Kum ban pynpaw ia ka jingthep vote la pynlong biang hynne ka sngi Saitjain hadien ka jingshah thombor ha ki kynhun runar kiba la pynpra ia ki kor EVM hynnin ka sngi 21 tarik Rymphang haduh ba la hap ban sangeh ia ka jingthep vote ilekshon MDC.
Kaba sngewtynnad ba mynta ka sngi, la sakhi ba ki kham bun ki kynthei kiba la mih ban thep vote ha kitei ki Polling Station hynne ka sngi. Ka jingniew ia ki vote kan long ha ka 24 tarik Rymphang ha kaba ki paidbah ki bad khamtam ki kyrtong ki ioh ia u soh ka jingtrei shitom jong ki ha kane ka ilekshon MDC, 2025.
You may also like
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet
-
Ka Rope Way kam wanrah jingma ne pom dieng pathar ha Lum Shyllong: Paul
-
Ym pat siew bai lutksan ban shna surok Six Lane na Jorabat-Umiam bad High-Speed Corridor na Umiam sha Silchar: Prestone
-
Ai u Myntri Rangbah T.5 lak ban pynbha u mot Subhas Chandra Bose bad Swami Vivekananda