Ka MLA jong ka Shillong East constituency na ka National People’s Party (NPP) ka Kong Ampareen Lyngdoh hynne ka sngi ka la ong ba kam mih ka jingkylli, la ka kwah ne em ban iakhun ia ka ilekshon MP shiteng samoi na Shillong Parliamentary Seat.Haba kren sha ki lad pathai khubor ka Kong Ampareen ka la ong, ba ia ka rai ban ban pynieng kyrtong na ka bynta ka ilekshon MP ka shong ha ka Party, iano kan pyniakhun.
Ka Kong Ampareen ka la ong ,”Ka Party kan rai haba ia dei bad u/ka kyrtong bad ka Party kan hap ban ioh jingmynjur na u/ka kyrtong ha shuwa ban pynbna paidbah ia ka kyrteng”.”La ngan iakhun ne em ha ka ilekshon MP shiteng samoi, ia kata yn hap ban shim rai da ka Party” ka la ong.Ka Kong Ampareen ka la ong, ba ka nalor ka ilekshon MP shiteng samoi, ka Party kan hap ruh ban pyrkhat haba iadei bad ka jingpynkhreh na ka bynta ka ilekshon MLA 2028.
“Lada ka shong ha ka mon jong nga, nga kwah ban lait na ka jingshah bate kam haba ia dei bad ka ilekshon MP shiteng samoi namar nga kwah ban pynleit jingmut ban pynkhreh ia ka ilekshon MLA 2028 sha ka Meghalaya Legislative Assembly” ka la bynrap.
You may also like
-
Ioh khusnam 11 ngut ki nongialam shnong halor u synniang ba pynioh umdih ha ki thain kyndong
-
Rakhe ka PHE ia ka ‘World Plumping Day, 2026’ ha Mawkyrwat
-
Trei torti ka MP Agarwal ïa u surok PMGSY na Byrnihat ba pyniasoh bad ka Umden
-
Khadduh pynpaw u James Sangma ba u kloi ban mihkhmat ia ka jylla sha Rajya Sabha
-
Suba ka HYC ba don ki DALAI ba bei pisa ia ki nongkhaii drok