Ka kam jngohkai pyrthei ka la nangpaw bad nangkhring ia ki briew sha ka thain Swer, katba nangmih sngi namar ka jingmih shuh bun ki jaka jngohkai bad ki jingpynbyrngia. Ka Bungee Jumping ha shnong Swer, ka la khring ia ki briew ym tang ban pynhap ialade ha ka jingjrong kaba 200 phut hynrei ia ki nongpeitkai ruh. Kiba shlur bad kiba ju mlien ban pynhap shapoh da kaba teh tyllai, ka la long ka jingkmen bad ka pynkyndeh mynsiem ia kiba dang pyrshang nyngkong.
Ka long kaba sngew tynnad ban leit sakhi ia kito kiba pyrshang pynhap ialade ban ioh sngew ia ka jingpah sniang, kyrkait na ka jingsyier bad kyndeh mynsiem hynrei kaba la pynkmen pat ynda la shah pawang ha u tyllai na diang sha mon nane shatai. Katkum ka jingiathuh ki nongtrei ha kane ka jaka, ka jingdon jong kane ka Bungee Jumping ka la khring khamtam ia kiba bun ki briew na shabar ka jylla.
Ki la iathuh ba naduh ba plie ia kane, haduh mynta la don haduh kumba 6000 ngut eiei kiba la wan ban pynhap ne kynthih ha kane jaka. Ka dor bai pynhap shi khlieh briew ka long T.3500 marwei bad baroh ki lah ban kynthih bad kidei ban long kiba shait ba khlain ha ka met khlem don kano kano ka jingshitom.
You may also like
-
Byrngem VPP ban khang tala ia ka ophis JHADC, lada ym siew tulob ia ki nongtrei hapoh 16 tarik
-
As Mukul considers his options, rumours are rife. As the TMC Disconnect Grows
-
In the Shillong Passing-Out Parade, 783 Recruits Join the Assam Regiment
-
Shimti u Dr Shakil P Ahammed kum u CS ba thymmai ka Jylla
-
Pynkup burom ka RLSSCO ia 444 ngut ki samla pule