Ki pulit jong ka Williamnagar bad Rongjeng Police Station hynne ka sngi ki la ioh kurup ia ki tiar siat ba la buh rieh hapoh kawei ka khlaw ha shnong Chikama ba hap hapoh ka Rongjeng Police Station, East Garo Hills District.
U Superintendent of Police (SP) Bah S.A. Rynjah ha ka kyrwoh khubor ula pyntip hadien ba ki pulit ki la ioh jingtip ba thikan na ki bor syntiat, ki la pynlong ka jingkhynra hapoh ka jingialam u Additional Superintendent of Police naduh ka por 11:30 mynmiet ha ka sngi Nyngkong bad ki la rung shapoh khlaw ban wad ia kine ki tiar bad ha ka por mynstep jong ka sngi Baar, ki la lap ia kitei ki tiar siat.
U la iathuh ba ki tiar ba la ioh kurup ki kynthup ia kawei ka pistol ba la shna hi, 212 tylli ki kuli AK, 22 tylli ki kuli ba suba ki dei ba lah ban siat ia ki liengsuin, 13 tylli ki kuli ban siat ia ki liengsuin, 11 tylli ki Pellet bad 52 tylli ki kuli jong ka 6.5 mm. Ki pulit mynta kin pynlong ia ka jingtohkit ban lap ia ki briew kiba donkti kiba buh rieh ia kitei ki tiar siat hapoh katei ka khlaw.
You may also like
-
Ym tang ha Thangsko, don kiwei ruh ba jia, hynrei tap eit miaw kiba don ha ka bor
-
Shah pynkup burom ki 150 ngut ki nongsengkam lajong
-
Shen yn sdang pynheh surok Weiloi-Mawkyrwat sha Intermediate Lane: Tynsong
-
Ïaid paidbah ki khynnah pule halor ka jingma ka shongkha khynnah
-
Hiar jurip u MLA ia ka skhim GMCWSS, kyrmen ban dep hapoh u 2026