Uwei u khar Bangladesh ula shah kem ha ki pulit ka Sohra na jaka peitkai ka Seven Sister Falls ha Sohra hadien ka jingkthong ki pulit na ka jingthmu ban phet krad na jaka talasi ne ka Naka.Katkum ka khubor na ki pulit, hynnin ka sngi ka 24 tarik Jymmang, 2025, katba ki dang pyllong ia ka jingtalasi kali ha ka por 4 baje janmiet ka , kila pynsangeh ia kawei ka Maruti A Star kaba don u number AS01-AP-0928, hynrei ka khlem sangeh bad ka la kynthih wut ia ka jaka talasi.
Halor kane, ki pulit kila kthong wut ia kane ka kali haduh ban ioh khang syndon ha Seven Sisters Fall, Sohra bad ioh kem syndon ia ki, ba kynthup uwei u khar Bangladesh u Robiul Islam (32 snem) uba trei kum u electrician ha Bangalore bad u la kam ban leit sha Bangladesh. Une u khar Bangladesh u dei uba ju pyndonkam bha ia kane ka lynti iaid na Meghalaya sha Bangladesh.
Nalor une, la ioh kem ruh sa ar ngut kiba iarap ia u kynthup u Sujit Hajong (32 snem) bad Ravi Singh (38 snem) kiba dei na Ichamati Bazaar, East Khasi Hills. Ki pulit ki dang tohkit ia kine bad la pynngat ha ka Foreigners Act.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project