La pynkut ia ka Inter-State Youth Exchange ha Shillong

Ka Inter-State Youth Exchange Programme ba 5 sngi ba pynlong da ka Nehru Yuva Kendra Shillong bad ki nongïashim bynta na Mizoram, kaba la sdang naduh ka 16 tarik mynta u bnai kala kut noh hynne ka 20 tarik ha Youth Hostel Shillong. Ha kane ka sngi kut jong ka Inter-State Youth Exchange Programme, la sakhi ka jingia pyni iala ki sam, ki jingnang jingstad bad Yoga hapdeng ki nongiashim bynta. Ha ka sngi pynkut jong ka Inter-State Youth Exchange Programme, la wan sakhi ruh da u Director ka tnat Community and Rural Development ka Sorkar Meghalaya u Sibhi Chakravarthy kum ka Kongsan.

Ha ba kren ha kane ka sngi, u Sibhi Chakravarthy u la iaroh ia ka NYKS kaba pynlong ia kum kine ki prokram, da kaba kdew ba ki ai lad kiba kordor ia ki samla ban mad bad sngewthuh ia ka kolshor bad ka rukom im jong kiwei pat ki jaitbynriew. U la pynksan ia ka jingiatylli ha ka jingpher bad ka jingdonkam jong kum kine ki prokram ha kaba pynroi ia ka jingsngewthuh kaba kham jylliew hapdeng ki jaitbynriew bapher bapher ha kylleng ka ri India. U la pynshlur ruh ïa ki samla ban wad bniah ïalade bad ban pyndonkam hok ïa ki lad ki lynti kiba la ai da kum kine ki prokram ïakylliang ban sngewthuh ïa ki jingïapher bad jingïasyriem hapdeng ki Jylla.

Ka Inter-State Youth Exchange Programme ka pynïasoh lang da kaba jop ïa ki samla na ki jaitbynriew bapher bapher, ka la pynroi ïa ka jingburom markylliang bad ka jingsngewthuh jingmut ha ka kolshor, bad ka la noh synñiang sha ka mynsiem jong ka jingïatylli jong ka jaidbynriew.