U President ka Voice of the People Party (VPP) uba dei ruh u MLA ka Nongkrem constituency u Bah Ardent Basaiawmoit hynne ka sngi ula ong, ba ka Party kan shong bishar shwa ia ka kaiphod jong ka Expert Committee halor bhah thungkam ne ka State Reservation Policy (STP).
Lah ban kdew ba u Bah Ardent uba sdang ka jingïakhih da ka ba shah thngan ban dawa bishar bniah ia ka bhah thungkam lane ka State Reservation Policy 1972.
U Bah Ardent u la ai jingiaroh ruh ia ka Sorkar kaba la thaw da ka Expert Committee ban bishar bniah ia ka State Reservation Policy bad mynta ka sngi la wanrah ia ka kaiphod hapoh ka Iingdorbar thawaiñ.
Haba kyntait ban kynthoh ia ka kaiphod jong ka Expert Committee, u Bah Ardent ula ong, “Ngam kwah ban kren than halor kane hynrei tang kawei ngan ong ba ka Party kan sa shong bishar bniah shwa bad lada ka jinglap jong ka Expert Committee halor ka State Reservation Policy ka long kaba biang, ka Party ruh kan pdiang hynrei lada ka kaiphod kam pynhun ia ki paidbah ka Party kan pyrshah bad sdang biang ia ka jingïakhih”.
You may also like
-
Ym shah u Lamphang ban ïatai halor ka jingbthei bom ha krem dewiong Thangsko
-
Khluit ka iingdorbar halor ka ILP, kura miej u Bah Ardent, pynsangeh shipor Lamphang ia ka Dorbar
-
Khlad kyndit u MP Dr Ricky Syngkon, ka jingduh ba khraw ia ka Jylla Meghalaya
-
Ha ki ‘Village Court’ ka Council, u Sirdar, Syiem Raid ki lah ban long Chairman
-
Dawa ka MKA ban kynthup ia ka ktien Koch ha ki skul Lower Primary