Nang pynbha ka Medanta Hospital ïa ka rukom sumar ïa ki thied jabieng ne ka Neurological Care ha India lyngba ka ‘Brain Pacemaker’ Surgery

Ki jingpang thied jabieng ne ki neurological disorder ki long kiwei na ki jingpang kiba ha khmat tam kiba wanrah ïa ki jingduna ha kylleng ka pyrthei, bad ka jingktah jong ki ka la nang kiew bha ha ki katto katne ki phew snem ba la leit. Ha India, kine ki jingpang ki noh synniang kumba 10% na ka jingban khia na ki jingpang jingshitom.  

Ka Medanta – The Medicity, kaba don ha Gurugram, kawei na ki jaka ai sumar ba shimet ba heh tam kaba treikam ha ki thaiñ shatei bad mihngi jong ka India, ka la ïoh nam la hynriew snem mynta kum ka hospital shimet ba bha tam ha India, ba la pynkup da ka Newsweek, ka la long ka jaka ba la tip da baroh kum ka jaka na ka bynta ka  Deep Brain Stimulation (DBS), kaba ju tip kum ka ‘Brain Pacemaker’ surgery. Kane ka prokram ka la long kum ka jaka pdeng jong ka jingtbit, kaba ai ki lad jingsumar kiba kham tbit bad ka jingkyrmen kaba thymmai sha ki nongpang kiba don ïa ki jingpang ba pynthut ïa ka bor pyrkhat. Kane ka rukom ai jingsumar ba la khot ka neurostimulation procedure, ba la tyrwa da u Dr. Anirban Deep Banerjee, Direktor, Neurosurgery, Institute of Neurosciences ha ka Medanta ba ha Gurugram, la ithuh na ka bynta ka jinglah jong ka ban wanrah ïa ka jingïarap ïa kito kiba don ïa ka jingpang Parkinson kaba la kham jur, dystonia, refractory epilepsy (kaba sdang ha kiba la kham heh), essential tremor, bad ka OCD ba la kham jur.

Kane ka jingai jingsumar kaba bniah ka pynïasoh ïa ki rukom ai jingsumar kiba mynta bad ïa ki jingsumar ba kyrpang. Ka Medanta ka pyndonkam da ki kor ring dur kiba bha na ka bynta ban ithuh thik ïa ki rukom long ha ka jabieng, ka pyndonkam ruh ïa ki jingshna thymmai kiba kat kum ka juk stad mynta, kum ka directional lead na ka bynta ka multi-dimensional neuromodulation bad ki real-time brain-sensing biomarker feedback na ka bynta ki jingpyni ïa ki dak jingpang lyngba ki jingpynsdang ne ki symptom-responsive stimulation.

U Dr. Anirban Deep Banerjee, Direktor, Neurosurgery, Institute of Neurosciences ha ka Medanta ba ha Gurugram u la ong, “Ka DBS ne ka Brain Pacemaker Surgery ka long ka rukom ai jingsumar kaba lah ban wanrah ïa ka jingkylla, ha kaba la buh ïa ki  electrode ha ki jaka ba kyrpang jong ka jabieng ban pynbeit ïa ki dak bym tikna, ban wanrah biang ïa ka jingtreikam ha ki dkhot ba pher ba pher jong ka met, bad ban pynbha ïa ka jinglong jingman jong ka jingim. Ha Medanta, ka jingthmu jong ki ka long ha ka ban wanrah ïa ki lad ai jingsumar kiba kham bha kum ka DBS bad ban pynlong ïa ki kiba kham suk ban ïoh, ka ban ïarap ïa ki nongpang ba kin ïoh biang ïa ka jinglong jingman jong ki haba ki dawai bad ki rukom ai jingsumar kim lah ban tehlakam ïa ki dak jingpang.”