North East Apprenticeship Pilot Scheme da u myntri rangbah ka jylla Mizoram U Lalduhoma bad myntri ka sorkar pdeng U Jayant Chaudhary 

Ban pynskhem shuh shuh ia ka jingtreikam ba borbah jong ka sorkar India na ka bynta ka roi ka par ba kyllum bad ka jingpynkup bor iaka thain, ka Ministry of Skill Development and Entrepreneurship (MSDE), mynta ka sngi ka la pyllait ia ka skhim ba dang shu pyrshang na ka bynta ban kyntiew ia ki kam lyngba ka jingai jinghikai ia ki kam bapher bapher ha ka thain shatei lam mih ngi. Ia kane ka skhim la pyllait ha Aizawl da u Lalduhoma, myntri rangbah ka jylla Mizoram bad u Jayant Chaudhary, Myntri khynnah (Independent Charge), ka tnad Ministry of Skill Development and Entrepreneurship. Ban pynskhem ia ka jingangnud u myntri rangbahduh ka ri U Narendra Modi’s ban pynurlong ia ka Ashta Lakshmi bad Viksit Bharat, Viksit North East, ka jingthmu jong kane ka jingpyrshang ka long ban ai ia ki rukom ai jinghikai pyntbit kiba la sain dur bha, ki jinghikai kiba bha na ka bynta ki samla ha ka thain hi baroh kawei. Kum kawei na ki bynta ba kongsan ban ai jingkyrshan pisa, palat 26,000 ngut ki samla na ka thain kin ioh shuh sa ₹1,500 shi bnai baroh shi snem lynter hapoh jong kane ka jingpyrshang—nalor ba la ai ia ka jingsiew ne ka stipend ba la ai lyngba ka National Apprenticeship Promotion Scheme (NAPS). Kane ka jingkyrshan ka treikam na ka bynta kiba wan shah hikai na ka thain shatei lam mihngi la ka long hapoh bad shabar jong ka thain shatei lam mihngi, ban pyntikna ba kan ym don jingthut ha ka leit ka wan jong ki ban ioh ia kine ki lad ki kabu. La mang haduh ₹43.94 klur tyngka na ka bynta kane, kynthup ₹4 klur ban pynsaphriang ia kane ka kabu, ban ai jinghikai bad ban pyntreikam ia ka projek. 

Haba kren ha ka jingpyllait ia kane, U Jayant Chaudhary, myntri (I/C), ka MSDE, u ong: “Ka jingpyllait ia kane ka jingpyrshang hapoh jong ka NAPS ka long kum ka jingpruid dak na ka bynta ban kyntiew ia ka jingai jinghikai pyntbit ha ka kam ha ka thain Shatei Lam Mihngi. Ka plie ia ka jingkhang na ka bynta ki samla ba kin ioh ban mad ia ki kam kiba iadei bad ki karkhana bapher bapher—ka ailad ia ki ba kin ioh ban iuh kjat ha ki karkhana, ban sngewthuh shaphang ka rukom treikam jong ki karkhana, bad pyniahap bad ka sap jong ki bad ka jingdawa ka pyrthei.”

U Lalduhoma, myntri rangbah ka jylla Mizoram, u pynpaw: “Kane ka jingiatreilang bad ka sorkar India kan plie ia ki jingkhang ba thymmai na ka bynta ki samla ka Mizoram bad ia ka thain shatei lam mihngi hi baroh kawei. Ryngkat ka jingkyrshan pisa, ka jingai ia ki jinghikai kiba biang, bad ka jingpyniasoh bad ki karkhana, kane ka sienjam treikam kan pynkup bor ia ki samla ba kin ioh ia ka hok ban trei ha ki treikam ha ri India ka ri kaba kiew ka liang ka ioh ka kot—la ka long hangne ha ka thain shatei lam mihngi ne ha kylleng ki bynta jong ka ri. Ka jingodn jong phi myntri, kadei ka jingai mynsiem kaba skhem ia ki samla bad ka sorkar jong ngi ban kyntiew ia ki jingai jinghikai pyntbit ia ki sap ki phong ha ka rukom bym pyrkhing ban suk ka ioh kami oh jam na ka bynta ki briew jong ngi khnang ba kin kiew da ka jingkhalin bor bad ka burom. Ka rukom long jong ka Mizoram ka long kaba kham pher kaba pynioh nong—ka jingbun jong ki briew kiba la nang ban thoh ban pule, ka jingdon ruh ia ki sienjam treikam ban pyntbit ia ki sap ki phong ha ka rukom kaba biang, kan plie ia shibun ki lad ki lynti. Ki samla jong ngi ki don ka jingangnud ban pule bad don ka mon ban lam khmat. Ngi sngew sarong ia ki sap ki phong ba la ioh pateng, ha kaba bun na ki la ioh pateng na kawei ka pateng sha kawei pat, bad mynta la lah ban ia pyniahap bad kane ka juk kaba mynta. Ha ka WorldSkills 2022, ki samla jong ngi ki la pynsgnew sarong ia ngi da kaba ki la leit ban iashim bynta haka rynsan jong ka pyrthei. Da ka jingbteng jong ka MSDE ban kyrshan—kynthup ia ki prokram ha ki jaka set byndi kynthup ruh ia ki jinghikai kiba phai khmat sha ki kynthei—ngi pyntikna ba ka jingtreikam kan long kaba kynthup lang ia baroh bad kaba don jingkyrmen ia baroh. Ka jylla ka la lah ban thaw ia ka Skill Development and Entrepreneurship Plan ban pyntikna ba kan don shibun ki samla kiba lah ban trei, kiba shlur bad kiba biang na ka bynta ka kam. Ryngkat lang, ngi pynlong ia ka Mizoram kaba khlain bad kaba dang ioh shuh  ka jingpynkup bor..” Ia ka jingpyntreikam yn leh da ka Indian Institute of Entrepreneurship (IIE), Guwahati, and the National Skill Development Corporation (NSDC), ba la kyrshan da ka State Skill Missions, Regional Directorates (RDSDEs), bad ki jaka ai jinghikai kiba na ka jylla.