Pdiang sngewbha ka Courtyard by Marriott Shillong ia ka aiom lehkmen da ka jingrakhe kaba I phuh iphieng

Ka Courtyard by Marriott Shillong kum ka dak jong ka jingsdang ka aiom lehkmen ha ka sien kaba ar ka la rakhe ia ka jingkhleh cake ne Cake Mixing bad ka jingthang light ha u dieng Khristmas ne Tree Lighting Ceremony myn ha ka 8 tarik u Nohprah 2024. Kane ka janmiet jong ka aiom lehkmen ka la wanrah lah ia bun ki nongshong shnong, ki kynrem ki lyndan, bad ki trai jong ki hotel bapher bapher ban rakhe ia kane ka aiom jong ka jingiatylli bad wanrah ia ka mynsiem jong ka jingrakhe ia kane ka shuti. La pynkylla dur ia kane ka jaka kum ka jaka kaba hap ior ba itynnad, ha kaba la don ruh u dieng Christmas ia uba la pyndait da ki light kaba pyni ia ka jingitynnad jong kane ka aiom. Ki nongshah khot sngewbha, kiba kynthup ia I Deputy Commissioner ka East Khasi Hills I Kong Rosette Kurbah, I Archbishop Victor Lyngdoh, bad I MDC BajopPyngrope, kiba la iashim bynta ha ka jingleh sngewbha. 

Ka jingrakhe ba hapdeng eh kaba khring bha kadei ka Cake Mixing Ceremony, ha kaba ki nongiashim bynta ki la iakhleh ia ki soh ba la pyntyrkhong, ki kynja shyieng soh ne ki nuts, bad ia ka mynsiem ba rhem—kaba long ka rukom leh kaba pyni shisha ia ka jingiatreilang. Ia ka jingpynmeh ia ka light ha u dieng Christmas la pynlong ha rud ka pung sum ne ka Poolside, katba ki nongwan ki la iasnohkti lang ban dang ia niew ia ki minit, bad khatduh la lah ban pynmeh ia ki light ha u dieng Christmas, ia kaba la pynbud pat da ka jingrwai ia ki jingrwai Khristmas. Ha Shillong, kane ka jingrakhe ka pyni ia ka jingiphuh iphieng jong ki briew ha nongbah Shgillong bad ia ka mynsiem jong ka jinglehkmen. Ki trai shnong bad ki ba wan kai ki pdiang sngewbha ia kane ka aiom shuti da ki jingshet kiba la shet hi ha Shillong Baking Company, ba kynthup ia ki song kiba don ki jingbam Khristmas ba la shna da ka kti, ki jingshet kiba bang jong kane ka aiom, bad ki jingdih ba pyn syiad kum ka mulled wine.

La ioh ruh ia ka jingtem da ka kynhun tem ba paw jong ka Shillong ka Colours bad ia ka jingtem ia ka saxophone kaba la nang pynphuh shuh shuh ia ka sawdong sawkun. Ka jingkmen jong ki khynnah ka la nang jur na ka jingdon jong u Santa Claus, uba la sam ia ki jingai sngewbha bad ai khublei. “Kane ka jingrakhe ka pyni ia ka jingaiti lut jong ngi ban wanrah ia kiei kiei kiba don jingmut bad wanrah ia ka mynsiem jong ka jinglehkmen na ki nongwan na shabar bad ki nongshong shnong ka Shillong,” ong U  Tushar Nagar, General Manager, Courtyard by Marriott Shillong.